Zeiruang Ah Dah Hawi Kom Tha Kan Neih Khawh Tawn lo?

Minung hi hawi le kom innpa chakthlang in khuasa mi kan si hna. Cucaah hawikom timi le innpa chakthlang in i komh thiam hi a biapi ngaingai mi a si. Nain kan komh mi hna kan hawikom pawl nih zeiruang ahdah komh huam lo in an kan kaltak ton timi hi theih ngaingai a hau. Na hawikom inn pa chakthlang nih an in komh huam lo nak a ruang tampi a um lai. A ruang tampi lak ah zeiruangah na hawikom nih an kaltak timi tlawmpal tein ka rak langhter lai.

A pakhat nak ah nangmah zawn lawng ai ruat mi na si ahcun na hawi nih saupi an komh huam lai lo. Caan chitkhat te ah na hawikom pawl nih an in kaltak lai. Midang zawnruahnak a ngeimi na si lo ruangah hawikom na ngei khawh lo a si lai. A silo ah na hawikom cia lila nih chitkhat te ah komh huam lo in an in kal tak lai. A pahnihnak ah midang zeirel lo in um hmang mi na si ahcun zeitikhmanh ah hawikom pawl nih saupi komh khawh mi na si lai lo.

Na hawikom cia lika nih chitkhat te ah an in kaltak lai. Midang upat thiam le tihzah thiam lo hmanh ah zeirel lo in um a hmang mi cu hawikom an ngei kho lo. A pathumnak ahcun mi komh na thiam lo ahcun na hawikom cia lila nih an kal tak colh lai. Hawikomh komh thiam hi a biapi tuk. Midang he pehtlaih thiam chawnhbiak ningcang hi minung kan si nak ah a biapi bak mi a si. Cucaah Hawikomg innpa chakthlang pawl nih caan saupi komh khawh mi minung si na duh ahcun a cunglei kan langhter mi phunthum tal hi cu na tuah khawh le na zulh khawh hirmhrim an hau mi hna an si.