Yangon Mino 5 Inn Cung In An Zuannak A Ruang Fiang Tein Theih A Si Cang

Nizan zanlei sangha khan Botataung myone (Yangon) ah mino hna an umnak teih-inn cu kawl ralhrang nih an luh hnawh hna I, ralkap kut chung phanh lai tih ah inn cung in an pet I a san tuk caah an thi dih tiah theih a rak si.

Asinain, nihin zingah thawngpaang fiang an hun thanh thanmi cu, kha mino hna kha an ral a chiat tuk ruang sawhsawh ah an peh siloin, ralkap pawl nih khan a hmasa ah an hawipa pakhat Ko Maung Kaung Min cu meithal in an kah colh ruangah a si ti  asi.

Anmah he a um timi an hawipa cu biahalnak zong um lo bak in an kah coh tikah an lau I, zaamnak le a um ti fawn lo tikah thinphan in an umnak teih-inn cung in an kah hi  asi. An hawipa an kah hnu khan a dang kha an kut an I sih bu in an zuang ve.

Nizan a thimi hna an min cu :- Ko Maung Kaung Min, Mg Ye Min oo, Mg Wai Yan Htet, Ma Wai Wai Myint, Ko Wai Zaw le Mg Min thitsa hna an si. Cun an hawi le pahnih a pet manh lomi Mg Thiha Kaung Set le Ma Poo Kyaw Kyaw Khanh cu ralkap nih an tleih hna.

Nizan ah khan ralkap nih an hawipa kha a hmasa ah rak kap hna hlah sehlaw, a tu bantukin teih-inn cung in an zuang hnga lo I, a tu bantukin thih lohnak zong a um hnga lo. Ralhrang zangfahnak ngeih lo ning hi cu lungdong bak an si ko.

Ref: Khit Thit Media