Nizan January 2 zan suimilam 8pm hrawnghrang ah khan PDF nih ralkap uknak zung (office) pakhat cu an rung kah hna i inn zakhat uk khuabawi pahnih Naing Htwe le Tin Sein telh in minung 4 an thi I a dang ralkap pahnih zong hliamhma fak an pu tiah theih a si.
Khuami pakhat nih a hmuhmi cu media sinah hitihin a chim, “Inn zakhat uktu khuabawi cu an kahnak hmun ah a thi colh, cun inn hra uktu khuabawi Aung Thet Paing cu hliamhma fak taktak in a pu fawn caah a thi colh zau diing khi a si”.
“Miphu khat cu zan suimilam 8pm hrawng ahcun an rak lut I kut holonh bom in an cheh hna hnu ah kahdoh nak tlawmpal an tuah chih hnu ah him tein an zaam colh. Inn zakhat uktu U Tin Sein le a hawile cu mipi fak piin a rialdip zungzal tu an si” tiah a chim.
Tutan ah kawl ralkap uknak zung (office) a kaput hi MIYDF nih kanmah kutneh a si tiah thawngthanhnak an hun tuah I a thimi kong kau zong ah fehternak an hun tuah chih fawn. Anmah MIYDF lei in chungtel pakhat zong a kut ah kuan nih a khenh tiah theih a si.
