US Ramchung Mipeem/ralzaam Lungretheimi Hna Caah Thawngpang Tha

US thawngzamh ET nih alanghter ning ahcun, US ramchung ah ralzaam nih an harsatnak lian taktak mi green card kongah President Biden nih fawi tein an hmuh khawhnak hnga timhtuah asi lai tiah a ti. Ralzaam hna nih green card hmuh khawhnak dingah lam kaupi on piak an si cang lai.

Green card ngeih hnu ah cun citizenship ngeih zong a fawi cang lai tinak asi. Ralzaam hna nih green card an ngeih hnu cun, ramchung rian kongah lungretheih in an um ti lai lo. Cu cu US ramchung zatlang rian kongah thawngpang tha cu asi. Green card ngeih ahcun duhmi riantuan khawh asi cang. Hi hi Biden nih US ramchung khuasa ralzaam hna caah thiltha taktak atuahmi asi than.

Thawngpang Dang- Putin nih a ralkap hna cu Ukraine he ramri leiah a kuat chap peng ko rih hna. Nihin tiangah Ukraine ramri ah Russsia ralkap hi 150000 hrawng an si cang tiah theih asi. Nihin tiangah Russia ralkap cu Ukraine ramri ah chap chih peng asi caah experts nih an chimning ahcun, hibantuk in ram pakhat nih cawlcanghnak a ngeih hnu ahcun ilet than timi a um ti lo. Cu caah Russia nih Ukraine hi a kirtak lai lo tiah an chim cang.

Russia nih Ukraine atuk bak ahcun US nih zeidah atuah lai timi lawng cuanh asi ko cang. Atu cu vawleicung rampi nih Russia cawlcanghnak kongah US lawnglawng an zoh ko cang. Biden nih Russia cu Ukraine na tuk ah cun kan zoh sawhsawh lai lo tiah kan hnu zarh ah khan a rak chim.