US Raltuknak Vanlawng F-15 nih Iran Ralkap Drone An kah Thlak

Syria ram cungah a zuangmi Iran drone pakhat cu US ralkap nih an caah tih anung tiah an ruah caah raltuknak vanlawng F-15 hmang in an kah thlak.
Kan hnuzerh nirukni ah khan Iran lei in Syria ram US ralkap an umnak hmun ah a rak zuangmi drone cu US ralkap nih an rak kah hi asi.

Iran drone cu an kah le cangka in vawlei ah a tla colh tiah US ralkap commander pakhat nih reuter sinah a chim. Kan hnu thla ah khan Iraq ah a um mi US ralkap cu Syria lei in missile in an rak kah hna i US ralkap minung 2 hliamhma an rak tuar, an rak cei tuk lem lo.

Cu missile pawl cu Syria ram ah a ummi Iran ralkap nih an bawmhmi hriamtlai phu hna an si lai tiah US nih cun an zumh hna. Asinain cucu fiangfai tein theih khawh a si rih lo. US nih an zumhnak ahcun a thli tein US ralkap hi Iran nih hnahnawhnak pek a timh hna mi khi alo ngai.

Relchap ding-US President hlun donald Trump nih US ralkap pawl Afghanistan ah kal than dingin ready tein um uh. A kan hruaitu Joe Biden nih palh nak nganpi a tuah, a thawng tukmi kan ralkap vialte cu Afghanistan ram chung in a chuak ter dih hna caah a tu bantukin sunghnak nganpi kan ton hi a si.

A tu lio ahcun a herhmi thil hi kan tuah hrimhrim a hau ko. Kan kal than a hau, russia nihcun an rian an tuan cang hih. Kan duh zong duh lo zongah thil sining nih kal a kan hoh ter ko cang hih. Atu i kan kal lo a si ahcun Afghanistan ram chungah a ummi US citizen minung 45k hi kan hmu kho than bal ti hna lai lo tiah a chim.

A chim thanmi cu American tuanbia ah US ralkap ningzah a phorh tertu thil nganbik kan ton. Hihi kan president Joe Biden san a tleih lo tuk ruangah a si. Trump nih a chim than rihmi cu US ralkap nih dollar 83 billions man hriamnam Afghanistan ah ngol tak an si.