US Cingcing Asi Ko…Ukraine President Saduhthah Atling Cang Lai

Aliamcia thlakhat ah khan Ukraine President nih Ukraine nih  Russia sermi raltuknak vanlawng MiG-29  kan herh, kan bawm uh. Zeitintiah raltuknak vanlawng MiG-29 hi kan ralkap nih  an hman thiammi asi. Cu caah MiG-29 hi Russia ral lakin kan him khawhnak hnga kan bawm u tiah a rak ti. Cu cangka in Poland nih Ukraine cu ka bomh lai tiah a ti colh. Nain Poland nih US sinah halnak a tuahmi pakhat a um. Cu cu zeidah asi ti ahcun, Poland nih MiG-29 hi Ukraine ka pek lai I, MiG-29 ka pekmi ai ah US nih F-16 ka pe  than ve/replace na ka tuah piak lai tiah a ti.

Vanlawng  MiG-29 bomhnak kongah US nih Poland cu a kham.  Ukraine hi raltuknak vanlawng in kan bawmh awk asi lai lo ati. Cu tlawmpal ah Russia nih tlerhkhawnnak a chim colh. Atimi cu, “ Ukraine ka tuk ruangah vawleicung ram pakhatkhat nih raltuknak hriamnam/vanlawng a bawmmi nan um ahcun Russia nih kan in lehrul colh hna lai, zeitintiah direct in cu ram cu raltuknak ah aa telmi nan si cang” tiah a ti.

Russia cawlcangh cu achia chin lengmang cang caah US nih hriamnam lianlian a kuat cang lai. Nizan ah Pentagon nih a chimning ahcun raltuknak helicopter Mi-17 ka kuat lai a ti. Atu zong US nih achim rihmi cun, “F-16 cu Poland ah ka kuat lai, zeicatiah Poland nih MiG-29 cu Ukraine a pek lai caah” tiah ati cang.

US nih nih Poland ah F-16 a kuat ah cun Poland nih Russia ser raltuknak vanlawng MiG-29 cu Ukraine a kuat cang lai tinak asi. Poland cu NATO ram asi caah NATO nih Ukraine cu direct bakin a bawmh cang tinak asi hnga.  Russia caah cawlcanghnak lam a tlawm chin lengmang. Russia cu US telh in NATO ram  nih sipuazi khamnak lawng si loin raltuknak tiang in Ukraine cu an bawmh tinak asi cang lai.