Uknak Chutmi Rallokap Bupi I An Suttung Pakhat Asivemi U Sit Taing Aung.
Kawl ralkap he neihniam ten um in ralkap hriamnam cawknak leiah siseh, ralkap he hmunkhat teah rian a tuan timi sipuazi tuahmi vialte lakah ( Suntac ) Company pi hruaitu asimi U Sit Taing Aung ralkap he ngeihniam taktak in a ummi a rak si ve. Hi pa hi kawl ralkap ca ralkap hriamnam cawknak leiah abik in rian atuanmi Htoo Group i chairman asimi U Tay Za, Aung Hlaing Oo ( Myanmar Chemical & Machinery-MCM )
Le Dr. Naing Htoon Aung ( International Gateway Group of Company Limited ) tehe neihniam ten an um bantuk in kawl ralkap ralbawi upa deuh zonghe pehtleih nak a ngeimi asi tiah Yangon sipuazi lei upa pawl zong nih an chim. U Than Shwe chanlio i tittaw vunci rian atlai mi U Aung Phone zonghi U Sit Taing Aung i a pa asi. Cun Min Aung Hlaing le U Sit Taing Aung karlak i an i pehtleih danzong hi a neihniam tukmi an si tiah theih asi.
‘ U Tay Za zong thing lei riantuan nak ah kar ahlan tartu zonghi U Sit Taing Aung hi arak si. Hi pa hi a hlan tein thingrua lei, cun Ukraine ram le adang dang rampawl zonghe ralkal hriamnam cawknak leizong a rak tuahbel mi asi. ” Hi hna pawl mi mipi nih kan rak thei tuk hna lo U Tay Za nih an hmai in a rak dirpiak hna i thangchiat nak vialte amah nih a rak inpiak dih hna tiah ” Ayeyarwady news tialtu pa zong nih a rak ti.
U Sit Taing Aung hi Mexco ram zongah kawlram ralkap leihe pehtlai in rian nganpi an rak pek belmi zong a rak si.Kawlram ralkap caah hriamnam ser nak setzung in acheukhat lei ralkap hriamnam sernak leiah a herhmi thilri pawl laknak ah an hmanmi Militry Import timi laisen zong hman a ngah vemi a si tiah a rian tuanti hawipawl nih an ti.
2020 – 2021 lio ah Ukraine ram in ralkap hriamnam aser mi Ukroboronservice timi Company sin in vanlawng thilri pawl kawl ralkap caah ah phormi Yatanarpon Aviation Support Company timi zonghi U Sit Taing Aung Company asi tiah Justic For Myanmar mi an rak tiam mi a um. U Sit Taing Aung hi tulio zong ah Myanmar’s Steel Consumption ah chairman rian a tlai liomi asi.Crd: Ayeyarwady