U Wirathu An Thlah Thannak Phen Ah Ralkap Nih An I Tinhmi

Nikhatni (monday) ah khan muslim a do taktak tu le kawl ralkap lei ah a tangmi Duddish Monk U Wirathu cu kawl ralkap nih thonginn chungin an chuah than cang. Wirathu cu 2017 lio ah Rohinya pawl thah nawnnak kongah ruahnak a rak petu le ralkap a rak dirpi tu pakhat asi.

Time Magazine nih a rak langhter ning labang ahcun Wirathu cu “Buddhish Bin Ladin” ti tiang in an rak ti. A ruang cu mipi hmai i bia a chim poh ah muslim huatnak le ram chungah um ter awk an that lonak kong lawngte a rak chim peng caah a si.

2017 lio ah NLD cozah nih mipi sinah biachimnak nawl an rak phih. Kha hnu khan NLD cozah cu fak taktak in a rak doh hna caah NLD cozah nih an rak tleih i thong chungah an rak khumh. Asinain, ralkap nih uknak an lak hnu in mit hmai tha a hun hmu than i, monday ah khan thongin an chuah than cang.

Kawl ralkap nih U Wirathu an hun thlah le cangka in mipi nih an hun ceihphai ngaimi cu kawl ralkap nih mipi lemsoi nak ding caah U Wirathu hi hman an timh than i a si kho tiah an zumh. A ruang cu an nih hi mifim a si i, Buddhish pawl a lemsoi kho ngaimi pakhat a si.

Ref: Mizzima