Taal Riak Mi Ralhrang Hna CU Tuzing Hi Hakha

Falam in a rak kai mi ralhrang rual hna cu March ni 29 zaan lei ahkhan Taal an phan. Ni 29 zaan kha taal ah an riak tiin thawngpang kan theih. Falam le Ralhrang rual hna hi Hakha lei cu hmai an hnor cuahmah ko rih lai, An thih dih dah ti lo cun hmailei an kal lengmang ko lai.A tu March ni 30 zingka hi ralhrang cu an thawngpang theih a si rih lo, zahan an riak nak ah maw an cam lai or Hakha lei an kal rih lai ti hi a tu zingka cu thawngpang theih a si rih lo. Ralhrang rual hna hi tlawmpal hnu suimillam 10 hnu lei hi an thawh than te lai tiin zumh a si.

Mizoram Ramri Ih Mi 3 Thah An Si Thu Ah CDF Mindat Ih ThusuakA tufang cu India le Myanmar ramri ih thahmi ruang 3 ruangah ramri a buai zetih thuhla a tam. Siattong innsang siseh Mizoram lam cun mithattu pahnih hi CDF Mindat sungtel an si ti’n an puh ih thu an suah rero zo.Neta lam siattong innsang lamih thusuak ahcun mithattu pahnih hi CDF Mindat sungtel an silo khalle Mindat miphun an si ruangah anmah kai dingin CDF Mindat khalin tuanvo an nei timi an langter. Mithattu pahnih hin Siaha an umlai ah CDF Mindat kan si ti’n an rak rel aw sihmang. Asinan, CDF Mindat cun kan sungtel an silo ih kaih an si theinak dingah theitawk kan suah ding ti’n March 29 ah thu an suah.CDf Mindat cun 2021, February 1 ah ralhrang ralkap cun ralthuam rinsan in rampi thuneihnak an rak la ih, mipi in kan pom lo tikah ralhrang cun duhtawkin mipi an that, an kai , mipi inn an nawkkang ciamco. Curuangah Chin ramkulh sungin mipi tamzet cu khua ah um ngam loin ral an tlan ih India ram Mizoram ramkulh sungah an beu. Chin raltlan pawl um theinak rak petu le theitawkih rak zohtu Mizoram cozah le pawlkom zate par ah kannih CDF Mindat cun lungawithu kan sim.

2023, March 22 ah Mizoram le Chin ramri ah mi 3 rapthlak zetin thah an si ih, mithattu pawl cu kannih CDF Mindat in kan mawhthluk tuk lawlaw. Siattong innsang khal kannih CDF Mindat cun kan tuarpi tuk. Mi 3 thah an si thuhla ah CDF Mindat thawn pehparaw vekin thu a suak ih kan thinnuam lo tuk tlunah thuhla dik zingzoinak kan nei cih. Thuhla kan zingzoi tikah Makui ramthen Myaing myone sungih raltlan pawl hrang tulsammi thilri leinak ding sumpai thuhla thawn pehparaw a si timi kan thei ih kan riahse deuhdeuh.Myaing myone hi tidai harsa tuk an si ih sumpai hawlnak khal an harsa tuk. Cutluk harsa mipi cun an neihsiahte thawhkhawm in tulsammi leinak hrang an pe. Mipi thawhkhawmmi sumpai cu Myaing myone sungih tuanvo neitu Ko Jack le Mindat peng sungih um Salai Aung Ling cun Mizoram ih an rinsan zetmi hnenah sumpai zaten an ap. Sumpai an dilsal tikah tuvekin thahawknak a thleng ti’n thuhla kan thei. Hivek thahawknak rapthlak kan theih tikah kannih CDF Mindat cu kan riahse tuk lawlaw.Thilthleng thawn pehparaw in CDF Mindat sungtel a si ti ih an relmi Aung Ling hi Kannih CDF Mindat sungtel a silo ih kannih CDF Mindat thawn pehparawknak khal kan nei lo. Mizoram a umnak ihsin Myaing myone ih raltlan pawl hrang thilri leisaktu pakhat a si. Thilthleng diktak kan theih theinak dingah tuanvo neitu pawl bawm dingin kannih CDF Mindat kan man ringring a si,” tin CDF Mindat cun thu an suah