Tuzing Kahdohnak Ah CNA Ralkap Pakhat A Nunnak A Liam Ve Ee

CNA/CDF nih Tuzing Ah Ralkap & police Minung 11 An Thah Hna i anmah CNA lei in ralkap pakhat a nunnak a liam ve tiah theih a si. Nihin zingka suimilam 4am hrawng ah khan Cawbuk sangah a ummi kawl ralkap check-point pa -khat cu CNA le CDF nih an va doh hna i kawl ralkap minung 5 an thah khawh hna.

Cun, a dang in Phyidawtha sangah a ummi Thitsar Aung Myay sianginn pawngah a ummi police check-point pakhat cu an va kah than hna i police 6 an thah khawh than hna. Cucaah, tuzing thiphnih an i kahnak ah ralkap le police fonh minung 11 an nunnak a liam tiah Salai Htet Ni nih a chim.

Atuhi kawl ralkap nih hriamnam ngan in heh tiah an kah cuahmah hna i a thawng le a paang cu khuami nih klan theih khawh tiah an chim. Atu hrawng hi kawlram chung hmun kip ah biatak tein ralkap an hun doh than cuahmah hna lio a si. Cun, kanpalet khua pawng ah CDF/CNA hna nih kawl ralkap cu ambush an tuah hna i an rak kah hna caah ralhrang 5 a hmun ah an thi fawn.

Cun, Nili ni thiamthiam ah khan Chin ram chung Mindat-Matupi kar lampi cungah CDF -Mindat le kawl ralkap cu an i kap i kawl ralkap lei in a thimi an um len nain a thimi zat taktak cu theih a si lo.  Cu lengah nithum ni ah khan motor 75 in a rak kaimi kawl ralkap cu CDF-mindat nih an rak kah hna i kawl ralkap minung 10 a hmun ah an thi tiah theih a si fawn. Cu tan ahcun kum 73 tarpa zong CDF-mindat lei in a nunnak a liam ve.