Tu zing ah palik nupi pakhat meithal in kahthah a tong

Sagaing ramthen Monywa khua Kantaya zinglei market ah nawlngeihnak la tu ralhrang phu kuttang riantuan palik nupi pakhat cu meithal kahnak in a thi tiah khuachung mi nih an chim. Nihin January 17, zinglei suimilam 5:00 hrawng Kantaya zinglei market ah theithu a zuarmi palik nupi Ma Gyu cu a ho si theihlo mi hriamtlai pakhat nih meithal in a kah caah a thi.

Palik nupi meithal kah a ton hnu ah ralhrang phu hna nih dawr chung ah checkhlatnak an tuah lai ti phan in dawr tuahtu hna nih an dawrthil cu fim in an khar cio tiah theih a si.Palik nupi meithal kah a tonnak kong ah mizei phu nih tuahmi a si cu theih a si rih lo. Cu thil a can hnu ah ralhrang phu hna nih Monywa khua luhnak Ngawngpinsauth(ညောင်ပင်ဇောက်) sang pawng hrawng cu checkhlatnak an tuah tiah theih a si. The Chin Post