Trump nih Amah Roitu COHEN Taza Acuai Ve Cang

Report nih alanghter ning ahcun, Donald Trump nih kum 10 hrawng sihni ah a hmanmi Cohen cu taza acuai ve cang lai.Trump nih Cohen cu lih le hrokhrol in keimah kongah bia achim lawng hmanh silo in diklo ningin taza a kacuaitu tehte ah a dir chap rih. Cu caah Cohen nih ningcang loin minchiatnak ka cungah a tlunter ruangah US $500 million a ka liamh hau tiah US Florida District Court ah file atuah cang. Cohen cu hlawhhlang muidawhnu Stormy lei ah a dir. Donald Trump nih Stormy a ihpi man le aka phihnak caah $130000 apek. Mah phaisa cu Trump nih keimah kutin a ka pek ter tiah a rak chim. Mah case cu Attorney Bragg (Trump huatu) nih athar chuah than I Trump tazacuai asinak hi asi. Trump nih Cohen tazacuai atimmi hi Court nih zeitindah an ruah piak te lai cu theih asi rih lo.

Laitlang Pastor Tuan Liomi Ramdang An Zam Lengmangnak le Bible Degree Neimi Nih NGO ah Rian An Tuan Theonak Aruang Cheukhat. Pastor nih Further study ah India ramah a kal i UN asawk i ramdang ah a lan. Malaysia ah pastor tuan dingin an cah akal i ramdang ah a lan rih. Khua lei khrihfabu ah a ra kir ti lo. Asi ahcun khrihfabu an ilawm lai maw… Nu le pa nih fale cu Pathian riantuan seh ti saduhthahnak ngan pi he bible sianginn kum zeimawzat an kai ter hna i degree an lak in Company/NGO riantuannak ah an hman. Asi ahcun nu le pa nih fale caah saduhthah an chunmang bantuk asi lo tikah an chungril nun aa lawm taktak kho lai maw…

Hihi Laitlang khrihfabu (Local Church, Centralization/Assiciation church) nih ruah aphu mi asi. Pastor atuan cangmi atuan liomi tiang nih mah khua le ram ah pastor tuan duh tilonak thinlung ruahnak an neih hi a ruang afiang ko. Khrihfabu zohkhentu pastor hna hi thi lo nunglo in taireh in chungkhar pawcawmnak kongah kan chiah hna ruangah asi. Pastor pakhat a ei ding ca lawng lahkhah kan pek hna i a nupi le fale ei ding pakhat hmanh kan pe ti hna lo. Cutikah zeitindah nupi le fale thaithawh zanriah eiding ngeilo in um peng cu pastor nih a celh lai,,, hihi nan ruat bal cio maw??? Pastor fale ballpen le cauk pakhat cawknak kong hmanh kan ruah piak duh hna lo tikah cun… ipeh cio uh…

Khrihfabu nih pastor cungah alungput hi khuaruat kholo bik zong nih kan theih, kan ifiang tuk. Cu caah nu le pa nih fale cu Pathian rian tuan dingin bible sianginn kaiter ko hna hmanhsehlaw, degree an lak tikah cun pastor riantuan loin student visa sawknak/company le NGO ah Bible an cawnmi an thiamnak cu an hman dih khi asi deuh. ( an mawh ve lo) Cuti ka chim tikah Bible sianginn degree alami hna hnarkua kau hlah seh. Acunglei i langhter mi hna khi anun ah Pathian aa bochan taktak ngamlomi hna nunning le lungput asi ve cuh. Laitlang ah pastor cu taireh in khirhfabu nih chia ko hna hmanhseh, Bawipa nih nitin an ei ding ti rawl/daily bread cu apek ko hna. Pastor chungkhar ei awk ngeilo ruangah an thi e timi thawng theih ding an um hraw lo.

Pathian riantuan duh ah bible sianginn akai ko nain degree alak hnu ah phaisa tamnak lei lam a zulmi cu vawlei atlaihchanmi phaisa sal ka si ti iphilh lo ding. Vawlei thil sining in cuanh ahcun, Na kum no lio ah fimnak cawng law phaisa kawl, cun na upat tikah cucu na ei lai ti asi. Nain Pathian bia nih cun fimnak kha kawl law phaisa rumnak nakin minthat kha va thim deuh. Phaisa duhtuk cu sual asi tiah ati. Taksa eidin Paw caah a ruatmi Martha nakin Zungzal nunnak kong kha biapi deuh ah achiatu Mary cu Jesuh nih athangthat deuh. Kan fale cu Pathian riantuantu si kho hna seh timi saduhthahnak he bible sianginn kan kaiter taktak ko hna asi ahcun, degree an lak hnu ah zeibantuk phaisa tamnak lam a um zongah phaisa tlawmte asimi Pathian riantuannak lam zulhter khawh kha nu le pa rian asi, Degree an lak hlan i nu le pa nih Pathian sinah kan thlacamnak zong kha philh lo atha, Pathian sin kan halmi le kan biakam zong kha philh lo atha. Bawipa nih tlam atlinter tikah Amah sin kan thlacam bantuk tein fale cu Amah Pathian riantuannak lam zulhter kan rian asi. Na fa cu vawlei chawva kawlnak lam na zulhter ahcun Pathian nakin chawva pakhatnak ah a chiami na si lai tinak asi hnga.

Biafunnak – Acunglei ah thil pathum langhtermi a um. Kan langhtermi hna khi tulio Laimi nih kan ton cuahmah mi Current Issue asi. Kan Lairam ah, Laimi chung in Pathian riantuantu kan tam khawhnak hnga le, fale zong nih Pathian riantuan an lungthawh cio khawhnak dingah abiapi mi tampi lakah 3 ruah awk atha mi cu, 1.Khrihfabu nih Church Pastor lahkhah cu chungkhar ei khim in pek ding, 2. Pathian riantuan ding in bible sianginn na kai ahcun degree na lak tikah Pathian sin na thlacamnak kha philh lo ding. 3. Nu le pa nih fale cu Pathian nakin phaisa an duh deuh sualnak hnga lo cawnpiak thlacam piak lengmang ding