Thinlung Nih a Celh Lo! Afghnanistan Nu Hna Nih An Fa Le Cu US Ralkap Sinah An Pek Hna

Kan theih bantukin kan hnu zerh ah Muslim ralhrang Taliban nih Afghanistan rampi cu ruah lo piin an laak i tuar ur in an hun um hna. Afghan mipi a thong leng cu Airport ah an zaam hna i US ralkap sinah vanlawng in America ah kal ve ding in an i zuam hna.

Micheu khat cu US ralkap vanlawng cungah an kai hna. Asinain, US ralkap nih an vanlawng chungah an luh ter duh hna lo. Cutikah vanlawng zuan aa thawh ah minung 2 cu an vanlawng cung in an thla i an thi. A thimi pakhat cu Afghan ram i bawlung chuih thiam a si.

Cuticun, thil a hung si tikah Afghna nu hna nih an fa le zei thei lo tete cu US ralkap sinah an pek hna i kanmah kan him khawh lo tal ah kan fale zei thei lo tete hi nanmah nih rak kan zohkhenh piak hna uh. Kanmah bantukin kan fale temhtuar ter ding cu kan siang hna lo tiah an ti.

US ralkap zong nihcun an fa le tete cu an i laak ve ko hna i US ram ah an tlun pi taktak ve ko hna. Cuticun, an nufa tete cu then lengluang in hmundang cio ah an um hna.A caan ahcun vawlei hi theihthiam a har hringhran ko.Pathian duhnak theih hi a har ko.

Taliban ralhrang hi Afghna mipi nih an tih hna nak a ruang bik cu an nih cu Sharia law a hmangmi an si i mithah lainawn an i fawih tuk. A hlei in nu caahcun a har tuk. Kum 12 cung poh cu an nu le pa sinin an laak hna i nupi ah an i ser hna. Sianginn kai ter an sianh hna lo.