Thantlang Sianginn Sangah inn 15 A Kang Thlacam Bawm hna usih

Tuni September thla 18 zanlei sang suimilam 4 hrawng thok khan thantlang khuapi sianginn snag lei ah  ah inn an kang cuahmah i mei a hmittu zong an um lo caah a kangh khawh chung poh a kang cuahmah. Mei thattu an um lo lawng siloin minung hrimhrim khuate lei ah an zaam dih caah a ummi hnihkhat nih tuah khawh awk a si lo.

Tutan i thantlang khua chungah a kangmi inn hna i SAC ralhrang nih hriamnam ngan in an khami ruangah a si tiah khuami hna nih cun an chim. A poi taktak nak pakhat cu sianginn sang inn tampi aa peh dihnak hmun ah a si i, inn tampi a kanghnak hi a si. Inn a kangmi dihlak hi inn 15 hrawng leng a si tiah theih a si.

Khuami pakhat nih inn a kangh lio cu video in a thlak i a chimmi cu inn khat hnih te a kangh lio in thantlang khua ah a ummi meithattu pawl cu kan auh ko hna nain, meithattu pa kha an inn bom nih a tlak ve i a nupi aa hliam ve caah a rak ra kho lo tiah a chim. Khuapi pakhat a si vemi thantlang hna ahcun meithattu motor zong tam deuh awk asi nain.

Thantlang khua cu ralkap kut an tuar ngaingai cang. Nifatin ti awk in kahdohnak a chuah lengah, kahdohnak taktak a chuah lo zongah ralkap nih dohnak a tuh an ser i heh tiah an i manh caan poh ah hriamnam ngan in mipi umnak inn le lo hna cu an kah hna caah ralhrang kut an tuar ngaingai. Khua chung zongah a um ngam lomi an tam tuk cang.