Thantlang Sakhan Ah A Kal Mi Helicopter Remnak Caah,Ralhrang Nih Nihin Cu

March ni 3 ah ralhrang nih Thantlang lei an kalter mi Vanlawng (Helicopter) cu khua luaimai in Hakha rungtlang ah a kal. KAn ralkap hna nih Thantlang ah a tum mi Ralhrang vanlawng cu drone in bomh an tlak hnawh caah a si. Nihin March ni 4 ah kawlrawn lei in ralhrang Vanlawng pakhat Hakha rungtlang ah a rak tum i zanhan kan ralkap hna nih vaivuan lengmang in an tuah mi an Vanlawng remhnak thilri a rak chanh tiin thawngpang kan theih.

Ralhrang pawl hi tha tein ralring nak an ngei ve ko ti mi a lang. A ruang cu zahan ahkhan Thantlang sakhan ah a herh mi thilri chanh an duh hna caah an vanlawng Helicopter pakhat nih ral a veng piak hna. Ralveng piak hna kan ti mi cu, vuichip tlang leiah a hei zuang i, kan ralkap hna cu bomh a va thlak hnawh hna. ralhrang ruah ning ahcun, Helicopter pakhat in kan va doh hna lio ah Thantlang sakhan a herh mi thilri kan chanh khawh hna lai tiin an i ruah.

Nain kan Chin ralkap cu, kanmah ram chinland ah ralhrang nakin timlamnak  tha deuh in an rak ngei. Ralhrang vanlawng pakhat nih a doh hna nain ralhrang thluak cu an rak tleih tuk ve hna caah, Ralhrang an vanlawng sakhan thilri a chanh tu hna cu drone hmangin bomh an thlak manh. Hi hnu cun ralhrang pawl nih thantlang sakhan rat than ding cu cakei ka purh in an purh cang ko lai hi, kan Pathian nih kan ralkap le mipi kan veng hramseh.