Than-tlang Khua Chungah Bom A Puak Mipi Thinphang In An Um Ko

Lai Thlang khuapi ngan pakhat a si vemi thlan tlang khua chungah tuzing suimilam 7am hrawnghrang ah khan bom a puak tiah theih asi. A theitu hna nih an chimnak ahcun bom puah thawng cu thang taktak in an theih i a tlawm bik voihnih poh cu a puah thawng kan theih tiah an chim.

Cu bantuk thiamthiam in aan suimilam 9pm (Axugust 11) hrawngah khan Falam khuapi chung zongah meithal puah thawng voi 7 an theih ve ti asi. Falam lei puahkehnak kongah micheu nihcun bom thawng bantuk, meithal thawng bantukin kan theih i a thawng a thang ngaingai tiah an chim ve.

Nain, upa lungfim deuh cheukhat nihcun bom cu si dawh a si lo, meithal puah thawng si deuh dawh a si ko tiah an chim. Atu bantukin thlanthlang i bom puahnak le Falam i meithal zun sarih thawng an theihmi kongah a ho phu nih tuahmi a si ti hi theih an si rih lo.

Micheu nih kawl ralkap thil tuah a si lai ti an zumh lio ah micheu ve nihcun CDF nih ralkap tlerhnak caah an puahmi zong a si kho men ko tiah an zumhnak cu an chim ve. Atu kar tehi cu kawl ralkap le CDF kar ah i kahdohnak thawng paang a hun dai ngaingai.

CDF biatak tein an hun cawlcangh hnu in kawl ralkap umthut ning zong a hun i rel deuhmi a lo. Kawl ralkap hi an thin a phang pah ziar cang rua ti awk in an um. Ruang ngei lo i tleih le khi a hun i rel ngaingai ko cang. Kawl ralkap caahcun lai tlang i raldoh cu a har ngaingaimi a si.

An hriamnam i kuatchanhnak zongah a fawi lo caah CDF le ralthawh hi fawi tein an duh hrimhrim lai lo ti cu a fiang ko. Motor lam in an i kuat a si ahcun lam tampi a um lo, CDF nih fawi tein an kham khawh colh ding a si hnga. Van lawng in ti ah le helicopter lawng an hman khawh lai caah an thiar cawk ding a si lo.

Ref: Zalen News