Tedim Township Uktu Kyi Min cu Zan Khuadei Bak Aruak Market Lamlai ah A um

Ralhrang nih Township uktu ah rian an khinhmi Kyi Min Htun cu Tedim khuapi chung Market ah aho theihlo mi nih alu ah meithal in an kah I, hmun ril ah a thi. Kyi Min hi zanlei suimilam 6pm April 6, ah hibantuk in meithal kahnak a ton hi asi. Kyi Min cu alu ruh vialte a choi dih, a thluak vialte a choi dih I, market hmai ah a ho hlamtu um lo in zankhuadei ban a ruak aril ko tiah report nih alanghter.

Kyi Min hi kum 32 lawng asi rih nain, ralhrang nih rian an khinhmi hi a sang ngaingai. Hakha le Saw ah township administrator rian an rak khinh cang mi asi I atu hi Tedim lei ah a um thanmi asi. Tedim ah a um nakin caan sau hmanh rau loin meithal kah a ton hi asi. Amah hi Makwe ramthen Pakkukku asi.