Taliban Nih US Hriamnam Thatha Hna Cu Iran Sinah An Zuar Hna

Kan theih bantukin August thla ah US ralkap nih Afghanistan cu an chuah tak I, Black hawk helicopter telh in hriamnam thatha tam taktak (85 billion) man hrawng cu Afghanistan ah an ngol tak I, Taliban ralhrang kut chungah an phan dih.

Cu US hriamnam thatha hna cu Taliban ralhrang nih Iran ralkap sinah an zuar hna tiah theih  a si. AN zuar hna nak a ruang bik cu Taliban nih Afghanistan an hun lak khawh sin khan ram kip nih an ambassy cu an chuah tak hna I ramdang he an I sipuazi tuahnak hram a cat.

Cutikah Taliban ralhrang cu phaisa kawlnak an ngei ti lo, an si a fak I, an ngeih ciami hriamnam pawl caah hman dingmi oil hmanh an I cawk zalh kho ti lo. Cutikah, Iran sinah an hriamnam hna cu tialh-oil ah an thlen hna tiah theih a si.

Iran kut chungah US hriamnam a phanhmi cu US an thin a phang ngaingai ti a si. Taliban nihcun US hriamnam thatha kha an kut cung a um zongah santlai ah an hmang kho tuk hna hnga lo, nain Iran kut chungah a phanh a si ahcun tihnung tuk dirhmun ah an um tiah an chim.