Taliban Ralhrang Nih Afghanistan Khrihfa Thah Dingin An Kawl Cuahmah Cang Hna

Afghanistan ram chungah a ummi khrihfa pawl caah thawngpaang chia taktak a hung chuak colh ko cang. Taliban ralhrang pawl nih khrihfa pawl cu thah dingin an kawl cuahmah hna i, inkhat hnu in khat in an luh hnawh cuahmah hna caah an thinphang in ramlak ah an zaam hna tiah theih  asi.

Nizan ah khan Afghanistan Church hruaitu pakhat nih Media sinah a thli in a chimmi cu Taliban ralhrang nih khrih fa pawl cu thah dingin an kan kawl cuahmah cang. US Embassy lei zong bochan awk an that ti lo caah kan caah a him nak hmun a um ti lo. Ramleng chuahnak zong phih dih si cang.

Cutikah khrihfa pawl cu tlang cungah an zaam hna. Pathian lawnglawng an i bochan ko cang. Ahohmanh boachan ding an ngei ti lo. Inn kip ah an kal i an inn ka cungah nu kum 12 cung a ngei poh cu “X” an tial ter hna. Nu kum 12 cung an ngei ko nain “X” an tial lo ahcun an chungkhar in an thah dih hna.

Cun kum 25 in a cunglei nu an hmuh hna ahcun an pasal cu an thah hna i cu nu cungah cun an duhmi poh an tuah. An vuai in sex slave ah an zuar hna. An pasal le an pa le nih meithal an pek hna i Taliban an rat tikah anmah le mah maw nan i thah lai Taliban ralhrang dah nanmah duh i thim uh tiah an ti hna.

Ref: Theblaze