Sianginn Sayamah Pakhat A Thicia In An Charh

Mon state, Kyaikmaraw khua i sianginn sayamah pakhat cu a tlau. Hi sianginn sayamah hi ralkap nih an tlai hna tiah an zumh. Hi Sayamah cu a thi cia in an charh tiah thei a si. A min ah Sayamah Thazin Oo a si. Sayama Thazin Oo hi Mudon khua ah sianginn sayama a ṭuan, July 8  chun ah khan an khua lei a tlung cun  lampi ah a tlau.  Khuachung mipi hna nih an kawl leng ko nain an hmu kho lo.

Ralkap/palik sakhan lei zong ah an hlatthlai i an kawl ko nain an hmu kho.  Cuti an kawl lengmang I July 19 zinglei ah khan a ruak cu tiva ah an hmu. Tiva kiangkap ahcun a bike le a thilri  hna zong an hmu hna i an tlaihhrem hnu ah an thahmi a si lai tiah an zumh. An charhnmi a ruak cu siizung ah an kalpi hna i zeitin dah a thi tiah an cek lio a si. Relchap -Bangaladet Ah Hangthlum Sernak Inn Ngan Pakhat A Kang,

Minung Pathumnak Tlawmlo An Nunnak Liam. Bangaladet ram ah sehzung pakhat a kang,hi a kanghnak ah minung pathumnak tlawmlo an thi,20 hliam an pu,sehsung chungah a hreng mi zong an um tiah tuanvo ngeitu hna nih July 9 ah a chim. Khuami Daka in meng 12 tluk a hlatnak hmin Yiankanje khua pawng hangthlum sernak inn cu nihin nli ni zaanlei ah a kang,akanghnak ruang bik theih a si lo.

Riantuantu pa zeizet an i hren zong fianghlang in theih a si lo.Kan nih zong nih thawng kan hlat ve tiah” Yiankanje in Oh-Choh-Hmu nih a chim.A kangh cang mi ahhin minung pahnih an nunnak liam sii-inn ah a voithumnak ah pakhat a thi,20 hliam an tuar tiah a chim chap. Hliamtuar mi hna i,Sehzung dothnihnak le dotthumnak in a zuang mi an si tiah meithal riantuan pakhat nih a chim.

Cre – TCP