Saw le Kanpalet (CDF) Nih Ralkap 20 Thahnak Ah An Hmanmi Tactic Cu A Mak Kho Taktak

Nizaan Sep 6 ah khan Saw myo le Kanpalet myo kar ah  kawl ralkap le CDF kar ah kahdohnak a chuak ve I kawl ralkap minung 20 hrawng an thah khawh hna. Cu kong he pehtlai in Saw-YDF biachimtu nih a chimmi cu.

“Sep 6 zanlei suimilam 4 hrawng ah khan kawl ralkap minung 100 hrawng cu kanpalet le Saw myo kar ah an rak ra I phut hum ah an I then. Cu hna cu Saw-YDF le kanpalet-CDF nih landmine 7 in kan rak thuat hna pinah suimilam 2 chung hrawng kan I kaap. Cu tikah kawl ralkap minung 20 hrawng an thi.

Saw-YDF lei kha minung 3 hliamhma an pu ve asinain thinphang dirhmun ah an um lo tiah a chim. Cuti I kawl ralkap lei minung 20 hrawng an thih tikah zan suimilam 7 hrawnghrangah ralkap cu hnu ah an tawn than I cu hnu cun kahdohnak cu kan ngol tiah a ti.

Culengah, Cu kaa an I dohnak hmun ah cun, hmundang ah a ummi ralkap cheukhat cu an hawi le bawmh dingah an rak ra nain, CDF pawl nih lam pi in an rak doh ve hna I an hawi le bawm kho loin an kir than tiah a ti. Atuhi kawl ralkap pawl cu Kyauk-thu myo le Saw myone hrawngah an ralkap cu an pumh cuahmah than hna caah kahdohnak a chuak zau than kho men tiah Saw PDF biachimtu nihcun a chim.