Ralhrawng Fih Nannun Ning Hi, An Mah Nih An Thah Ciami Hna Lila Cu Tuni Ah

Mandalay khuapi Sein Pan sangah Ko Ye Ko cu ralhrang nih an tlaih i, tuni ah khan an thlah than lio ah a zam tiah an ti i meithal in thilak an kah tiah theih asi. Madalay Maha Aungmay myone Sein Pan sang Bali hmai ah tuni September 24 zanlei suimilam 3 luan deuh ah khan ahmat 7 palik sakhan ah bomb a puak mi kongah lunghrinh in an tlaih mi Ko Ye cu an thlah caah Sakhan in a chuah pah ah a tli tiah palik nih an kah tiah khuami hna nih Yangon Khitthit media ah an chim.

Meithal in an kah mi Ko Ye cu ralhrang rallokap hna nih September 22 ni zanlei ah mi bawmchan tu bu hna zung pawng ah bomb a puak mi kong he pehtlai in lunghrinh in palik nih an tlaih mi asi i, amah tel in minung 5 hna cu palik nih an tlaih hna tiah theih asi. No.7 palik sakhan ah sakhan hmu tel in rallokap hna nih Ko Ye an timi cu a zam tiah sualpuh in an kah tiah theih asi.

Cu thil a cangmi cu mit in a hmutu hna nih an chim ning ahcun anmah nih an thlah i, district lei nih an in auh than tiah an ti i, Ko Ye cu an mah lei i a kal than lio ah an kah hi asi tiah theih asi tiin khuami pakhat nih cun a chim. Cu bantuk in ralhrang rallokap hna nih Ko Ye cu an kahthah hnu ah a ruak zong sakhan lei ah an lak tthan i, Ko Ye nupi Mah Chaw Suh zong palik nih an tlaih i sakhan ah an kalpi tiah theih asi.

Ref; BBC