Ralpi Pathumnak A Tho Khomi Asi Cang

Russia cawlcangh cu apoi chin lengmang, Ukraine caah thinphang ngaingai asi. Russia nih Ukraine a tuknak ni 25 a tling cang nain, nihin tiangah an khualipi Kyiv a laa kho rih lo. Atu hi Russia nih Kinzhal missle bak a hman cang tiah fehter asi cang. Kinzhal missle hi zeitluk tihnung le a thawngmi dah asi ti ahcun, Kinzhal missle a sau lei hi 8 metres, arihnak hi 4300kg asi I, 1500-2000 km hlat tiang a kap khomi asi.

Center fof Strategic and International Studies(CSIS) nih a chim ning ahcun Kinzhal missle cu nuclear capable air launched ballistic missle asi tiah a ti. Tutan ah Russia nih Ukraine khuapi a kah hi Black sea in a si tiah theih asi. Russia nih a hman mi Kinzhal missle hi zeitluk in aran ti ahcun, an kahmi a thawngpang nakin a let 5 in a rangmi asi. Cu sullam cu, an kah i athawngpawng theih hlan ah hla tuk a kal cang tinak asi.

PATHIAN THLUACHUAH AA DOT NING- BAWIPA PATHIAN nih, Abraham cu thluachuah a pek. Abraham thluachuah cu Isak ah a um i, Isak thluachuah cu a fapa hniang Jakob sinah a um. Jokob thluachuah cu a fa le 12 lakah a um i Josep ahkhan a um khun! BAWIPA PATHIAN nih David cu thluachuah a pek i David fapa hna lakah Solomon cungah a pa David thluachuah cu a um. Solomon hnuah, Solomon fapa Rehoboam cungah a um.

Cubantuk cun, BAWIPA nih Rev. Sang Fen cu thluachuah a pek i Rev. Sang Fen hnuah, Rev. Dr. Hre Kio sinah cu thluachuah cu a um i, Rev. Sang Fen atu le hna lakah, Pu Zing Cung cung zongah a um khun! BAWIPA PATHIAN nih, Dr. Lian Hmung Sakhong a pa, pu Sakhong cu thluachuah a pek i an khua ah khrihfa hmasa a si. Pu Sakhong cu a thih hnuah, cu thluachuah cu a fa le cungah a um i Dr. Lian Hmung Sakhong cungah a um khun!

BAWIPA PATHIAN nih Dr. Sa Sa a pa cu thluachuah a pek i PATHIAN rianțuantu pakhat le peknak leiah thluachuah a phurmi pa a si. A fapa Dr. Sa Sa cungah a pa thluachuah cu a um. Atu i ka hun langhter bantuk hin, ahodah BAWIPA PATHIAN nih kan Miphun lakah hruaitu ah a thim hna ti kha kan hngalh khawh ko hna lai. Midang an kong ka hngalh hna lo caah minung pathum lawng ka langhter hna nak hi a si. BAWIPA a dawtu hna cu BAWIPA nih an tufa chan tampi tiangin a thluachuah cu, chan a dotdotin a pek tawn hna.

Nihin, kannih Chinmi kan hruaitu cheukhat hna hi, BAWIPA umpi mi, PATHIAN thimmi hrimhrim an rak si hna. Cucaah, PATHIAN thimmi hna dawt le upat hi a thimtu hna PATHIAN dawt le upat a si. Midang nan theihmi zong coment ah hun bet cio hna u. KRHIH Lamkaltu Tluang Lian (Martar)