Ralhrang Tampi An An Nunnak A Liam

Shweku,Myohla i kahnak ah ralhrang a thi an tam. Nihin Shweku peng Myohlah khua pawng ah KIA le PDF fonh ralkap le ralhrang i kahnak ah kaphnih in nunnak liam an um i ralhrang lei in 40 nak tlawmlo hliam le thi an um tiah khuami nih an chim. Hi i kahnak ah hliammi le thimi la dingin Shweku hrambunh zatlangbu bawmchan tu cu ralhrang nih tu zaanlei suimilam 6 ah an fial hna tiah tuanvo ngeitu.

Min langhter duh lo mi pakhat nih a chim. Shweku ah a ummo ralhrang hna cu ralhrang mawtaw in ra in mi bawmchantu phu cu kal lo ngah lo in an fial hna tiah theih a si.kan nih kan theih mi mawtaw pathum a kan auh,ruak la dingin a kan auh mawtaw hi ruahdamh cun 10 hrawng a um lai,zei ruangah ti ahcun ralhrang lei in a thimi 40 hrawng an si,i kahnak zong a chuak than kho mi a si fianghlang in.

Ka thei lo tiah ” a chim chap. Nihin zaanlei suimilam 2 hrawngah KIA umnak Myohla lei ah a rak lutmi ralhrang thazaang 160 cu KIA nih bomh hmanh mi an i lamh i a thimi an tam tiah theih a si. Ralhrang hliam le thi an tam caah nihin zaanlei ah KIA le PDF umnak Myohla khatlei ah ralhrang nih vanlawng pahnih in voihnih a kah hna. Nihin i kahnak ah ralhrang a thimi an tam caah vanlawng hmang in.

An kah hna nak ah KIA le PDF in paruk hliam le nunnak liam an um tiah khuami nih thawngthanh ning in theih a si. Relchap – Falam Ah Covid In Rev.P.Tlei Thuan le Pu No Lian Sang An Nunnak Liam July 9,2021 zinglei ah Rev.Philip Tlei Thuan(kum 63) le zaanlei ah Pu No Lian Sang (kum 73) cu Falam sii-innpi ah an nunnak a liam i,Laampa thlanhmun ah Volunteer pawl le Khrihfabu chung i tuanvo nei pawl nih an vui hna.

Cre – TCP