Ralhrang Rual Hna Cu Tuzaan Hi Lumbang Khua Phan Hlan Deuh Ah Riak

Kalay in ralhrang pawl cu sitcawngthu in laitlang lei ah an rak kai. Motor he kee he an rak kai. Kan Chin ralkap CNDF nih an rak phomh hna caah a tu hi minung pa zeizat an tang ti cu fiang in ai theih kho lo. Ralhrang rual nih an i ruah ning bantuk in Laitlang lei cu an rak pan kho lo caah a tu hi Hlanzawl khua ah riah dawh an si, A ruang cu zan lei deuh ahkhan  Hlanzawl khua cu an phan cang nain a tu tiang ah zei thawngpang hman a um rih lo.

Ralhrang pawl nih motor lian tak mi kee 12 an rak  i kal pi mi hi hriamnam ngan bak mi a rak phur men lai tiin zumh a si. A tu lio cu kan Chin ram ah Pathian bawmhnak thawngin kan ralkap hna cu an thawng ngai,  Kawlram chungah ralhrang nih khualipi vialte hi an tleih dih nain kan chinram ahcun Thantlang khualipi khi kan ralkap kut chungah tam deuh cu a um.

Kawlram chungah ralhrang rual nih ral a tamnak hmun a sen mi tiin an khawh mi hi kan chin ram bak hi ai tel ve. Hi ruangah ralhrang rual nih cun Chinram hi control dih an i tim caah a tu kalay in a rak kai mi motor nih hin hramnam ngan bak mi a rak phur lai tiin zumhnak a um hi a si,

Note: Kan Chin miphun hna Kan Pathian sinah thlazacam hi daithlang ding a si lo, Pathian nih kan ralkap hna cu a hmang hna i  a hlannak cun thiamnak tampi he an khat ve cang, ralhrang vanlawng hman pei bomb an thlak hnawh khawh ve cang cu, vawlei raldonak lei cun kan ralkap hna hi Pathian nih a um pi ko hna.