Ralhrang Nih Sui Thantlang Inn An Khangh Cuahmah Than Hna

Nihin October thla 29 ah Ralhrang nih Sui Than Thlang inn hna cu an khangh than hna I tutiangah inn 11 an ciam dih cang tiah theih a si. Thantlang khua chungah inn hngakmi an um ti lo caah mei a kangmi a phalhtu/hmittu zong an um lo caah a tu bantukin pehtlai in an kangh cuahmahnak hi a si.

Nizan tihni hrawngah khan Kawl ralkap nih Thantlang khua cu an luh hnawh I dawr hna an boh hna I thilri tampi an fir piak hna. Cu tik ah CDF-Than tlang nih an kah hna I cu ruang ahcun ralkap nih an inn le an lo pawl cu mei in an khangh hna nak hi a si tiah khuami pakhat nih a chim.

Micheu nih an zumh ve nak ahcun ralkap nih hriamnam ngan in an kahnak ah mei hi a chuakmi a si men lai tiah an chim ve. Tutiang cu a hohmanh nih a pawngah va kal hnawh ngam a si lo caah thil sining hi fiang tein theih khawh a si rih lo an hlat cuahmah liopi a si.

Thantlang khua in mipi cu kan hnu thla ah an zam dih I, a zammi an dihlak hi minung 10,000 hrawng an si tiah theih a si. An zam hnu in kawl ralkap pawl nih can tha ah an I lak riangmang I an inn le an lo hna lo cu an duh poh in an tuah hna lengah an zuat sati zong an duhmi poh an fir hna.