Ralhrang nih Hakha Check-Gate Mann Motor Chungah Nusaltha MANDA an Tlaih

Hakha Ah CDF He Pehtlaihnak Ngeimi Kan Tlaih Tiah Ralhrang Nih An Thanh- Nihin chunhnu suimilam 12 ah Hakha Checkgate ah Hakha Man motor check a si i, CDF he pehtlaihnak a ngeimi, Hakha Dawrthar sang um Manda cu kan tlaih tiah ralhrang nih an thanh. The Independent Post

Admin hmurka- Tulio Hakha ah CDF he pehtlaihnak a ngeimi kan tlaih hna tiah ralhrang nih an thanh lengmang. Kan mino an tlaihmi hna hi Hakha  Mann motor chungah ti deuh asi caah hi hi ralrin lo awk a tha ti rua lo. Kan kainak motor zong hi tha tein ruah hau cang rua.

Salai Sui Sang Lian SAC Ralkap Nih An Tlaih– Chin ramkulh Khualipi Hakha khua ah nihin June 18 sml 12:00 hrawng Auto Sang um, Salai Sui Sang Lian cu SAC ralkap nih an tlaih. Chungkhar he naihniam mi pakhat nih,” ruah lo piin SAC ralkap cu an ra i an inn an kulh colh. Inn chung ah an lut i chungkhar cazin an chek. Bia tlawmpal an hal hna hnu ah Salai Sui Sang Lian an kal pi hi a si. A phone chung zong ah zei hmanh a um lo.

Zeiruang dah an kalpi ti zong kan hngal lo,” tiah The Chin Post ah a chim. Ruah lo piin an ra i inn an kulh colh tikah thawng petu an um hrimhrim lai, tiah a chimchap. Mithmu tu pakhat nih Cherry sang lei ah an kal. Mi an kawl hna, laipuan an i ngerh i a chung in meithal an i put, tiah a chim. TCP