Ralhrang Cozah Cu Pathian Bantuk In Bia Uh A Titu Phungyi Cu Tutiang Hi

Ralhrang Cozah Cu Pathian Bantuk In Bia U Atitu Phungyi Pa>Phungyi Wirathu nih “Ralkap cozah hi pathian bantuk in bia uh tiah tlang a rak au hna. Ralkap hna cawlcanghnak ah phungyi Wirathu cu arak telve leng mang. Ralkap kut pakhat bantuk a rak si. NLD cozah nih Wirathu cu hi bantuk in a au ruang ah tlaih ding in nawl an chuah. Wirathu nih NLD cozah cu a doh hna. NLD cozah nih Wirathu cu an tlaih i Insein thawnginn ah an khum.

Ralkap nih nawl ngeihnak a lak hnu Wirathu cu an chuak lai tiah an ruah nain an thlah hlei lo. Tu ni tiang thawinn ah a um peng. Mipi zong nih an khuaruah a har tuk. Wirathu he thawng tlati pathum Bu Let Hla Swe Tun, Michael Kyaw Myint le U Htay Aung hna cu ralkap cozah nih an chuah nain Wirathu cu chuak hna lo. June 12 ah Military Council Press Conference an ngei i.

USDP party nu pakhat nih Wirathu thawngpang cu a hal. Ralkap bia chimtu Zaw Min Tun nih ka thei lo ti lawng hi a let. Wirathu thuhla buaipitu Sayadaw U Pa Mauk nih Ralkap nih Wirathu cu cu him teiin umter a duh caah a chuah lonak hi a si lai tiah a chim. Thawnginn ah aum ah hin nan a zalong, a nuam nakbika si caah an chiah hi a si lai tiah a chim chih.

Wirathu cu ralkap pawl nih kut pakhat bantuk in an hmumi a si caah thawnginn ah an chiah rihmi hi a si lai tiah an tiAsinan, Myanmar ramchung buainak hna zohtu AAPP chung rian tuan pakhat nih cun ralkap nih an hmang duh ti lo caah a si lai tiah a chim. An hmang duh lio caan ah an hmang cang tiah an chim chih. Ref . Myanmar Now