Rzarni Nih Myanmar Plaza Mall A Kalmi Poh Cu Dalan Nan Si Tiah A Thanh

Myanmar Plaza Shoping Mall Caah Thawngpang Chia Taktak Nihin zinglei ah khan dai tein duhlonak ( ralkap nih nu an tleihremmi) a a langhtermi minung 4/5 te cu Myanmar Plaza shoping mall security pawl nih an tleih hna i an velh hna. Cu nihcun ralkap uknak a duhlomi pawl vialte an thin a hunt er ciammam i shoping mall hmai ahcun buainak nganpi a chuak i a tuhi an shoping mall tiangin an khar dih.

Myanmar Plaza Mall hi Yangon khuapi, Kabar Aye Pagoda Road cungah a ummi a si i a chungah restaurant 100 leng, gym le private bank tiangin a um dihmi shoping mall a si. Cu tluk a nganmi an shoping mall cu an security nih duhlonak a langhtermi an velh hna ruangahcun an khar ko ai. Ni pakhat nih a fb ah a tialmi cu a tu bantuk an tuahhi an pu le (ralkap) pawl nih an fial hna caah a si tiah a ti.

Shoping Mall lei zong in nawlnak an hun tuah i kanmah palh a sit ha tein hlathlainak le dantatnak kan tuah hna lai tiah an fb cahmai ah an hun thanh. Cun, an thanh rihmi cu Myanmar Plaza shoping mall cu lawlawse kan khar caah Junction Squar ah rak kan leng uh tiah an hun ti fawn. Atuhi kawlram mipi cu Myanmar Plaza ah thil cawk lo dingin an au cuahmah liopi (boycott) a si tiah theih a si.

Ref: Coconut