Pu DaikhanlamaThihnak Kongah A hnu Bik Thawngpang

Pu Daikhanlama Thih Nak Kongah Ngopa le Kawlbem Khuanu Khuapa Hna Nih Buainak a Chuahter Khomi Ca Chuahlo Dingin Lai An Rel. Pu Daikhanlama hi Kawlbem khua ah khua a sa mi a si. July 1 ni ah a nupi Pi Awiniangi kut in Ngopa rithaisii a do tu phu nih Herion No. 4 pack 2 an tlaih piak hna hnuah Ngopa khua ah an hruai i a pasal Pu Daikhanlama cu tangka 40000 liam dingin an ti.

Pu Daikhanlama cu July 1 ah a nupi tlanh dingin a va kal ve tikah Ngopa rithaisii dotu hna nih ritsii nan ngei rih ko lai tiin an velh nak ah a hliamhma tuar kho lo in a nunnak a liam tiah theih a si. Pu Daikhanlama thihnak kongah cozah lei nawlngaitu hna nih Ngopa ritthaisii dotu chungtel pa 5 le nu 2 cu July 5 ah an tlaih hna.

An tlaihmi hna kongah chimh le rel a tam ngai. Cheukhat nih an tlaihmi hna hi palek he tang tiin an tuah mi a si, kut a thlaktu taktak an si hna lo a ti mi zong an um bantukin Kawlbem khuabawi hna cachuahnak ah Daikhanlama Postmortem an tuahnak a phi zong a kan theih ter lo tiah an thanh. Hi kong he pehtlaih in nizaan July 7 ah Ngopa khuanu khuapa le Kawlbem khuanu khuapa hna.

Meeting an tuah i “pumpak le phu nih pumpak le khua, miphun kar ah buainak le i theihthiam lo nak a kho mi ca chuah lo dinng in” hnatlaknak an ngei. Ref. TCP tu lio cu kan ram a nbuai hringhran ko. pumpak in a si ah, chungkhar, peng le tlangin, covid in buainak lawngte asi ko cang. hi bantuk nun hi cu a har ngai. nain kan ram thil cnagmi kongah hin kan dihlak in a lamkip in thazaang chuah usih law thla zong cam cio usih.