Phekone Ralhrang Nih Ah Hriamngan Kah, Biakinn A Rawk,

Shan- Kayah ramri Phekkone(ဖယ်ခုံ) khuapi ah a ummi ralhrang hna nih November 9 zaan ah Phekone khualai fang cu hriamngan in an kah caah Phekone khuapi um Sui Hnalung Taw (ရွှေနှလုံးတော်)khrihfa biakinn chung ah hrianngan kuan atla i arawk tiah khuami hna nih an chim. Phekone(ဖယ်ခုံ) khua um Siizungpi zong ah hriamngan kuan atla i mei akang tiah thawngpang aleng nain kan fehter kho rih lo tiah khit thit media nih atial.

Sui Hnalung Taw ( ရွှေနှလုံးတော်) Khrihfa Biakinn an hrawh hi atu he voihnihnak asi, May 23 ni zong ah ralhrang nih hriamngan kah nak in a rawk bal cang. Nizan zanah Phekone(ဖယ်ခုံ) khuapi chungah hrianngan, hriamhme, kah thawng hna cu thangpi in kan theih i Karenni afonhmi ralkap phu he kaphnih kahnak maw si, ralhrang lei lawng an kah sawhsawh mi dah fiang in kan thei lo.

Phekone khuapi nitlak lei ah Mube Inn (မိုးဗြဲအင်း)aum i nichuah lei ah ralhrangbu  Sah – kah- khah (7), Khah – Mah – Yiah ( 336), Khah – Lah – Yiah ( 421), le  ralhrangbu, pehtleihnak ralhrangbu, rallam ah bomh thianh tu phu hna an um. November 9 zan ah Phekone khuapi tlanglei um Mube (မိုးဗြဲ) ah aum mi Khah – Lah – Yiah (422) Battalion nih hriamngan in an kah caah Mube (မိုးဗြဲ)inn cheukhat a rawk i khuami hna cu zaan pi ah ahimnak hmun ah an zaam.The Chin Post