PDF Sinah Navy Ralkap 3 An I Fon KIA Hmunhma Ralkap Nih Vanlawng in An Kah Cuahmah

Taninthary, Zi-Phyo myone ah a ummi Ti lei ralkap 3 hna cu an sakhan kal tak in PDF sinah an i fon tiah theih a si.
Tutan ah an ralkap chuaktak in mipi sinah an zaamnak a ruang cu kawl ralkap an zumh ti hna lo ruangah an i fonh hi
a si tiah PDF nih an cathanh chungah an langhter.

A luancia sep 19 zongah khan Navy ralkap minung 7 cu an sakhan chuaktak in PDF sinah an rak zaam cang fawn tiah theih asi. Cun,a tulio hi KIA tatmaha 8 hmunhma cu kawl ralkap nih van;lawng pahnih in heh tiah an kah cuahmah hna tiah theih a si.

Cu bom an thlakmi pawl cu Kachin ram Maing-Naung khua pawng hrawngah an tha hna i khuami pawl cu a himnak hmun ah an zaam hna tiah theih a si. Shan ram lei zongah kawl ralkap le MNDAA ralkap pawl cu biatak tein an i kap cuahmah ti a si.

Nihin zinglei suimilam 8 hrawngah khan Kaunglung khua pawngah a ummi kawl ralkap sakhan pakhat cu MNDAA nih an va kah hna i suimilam 10am hrawng tiang kha fak ngain an i kap ti a si. Asinain, a thimi an um le um lo tu cu fiangfai tein theih khawmi a um rih lo.

Ref: Khit Thit Media