Paletwa Kan unau Timothy COVID-19 In Mual A Kan Liam Takthan

Thihdaar Paletwa kan unau Timothy cu August 11 zing, Yangon khua ah COVID-19 in mual a liam tiah kan theih.Amah hi Paletwa Peng, Shwepyigone khuami a si. “Oxygen zong a caantanh in kan pek ko nain tuzing Shwepyitha ah mual a kan liamtak,” tiah Peter Lawilu nih a facebook cahmai ah a tial.

Poi tuk mitha pasal thatha bohchan mi hna nih Covid-19  in an kan liamtak thlua mah. Bawipa nang mah nih kan dirpi ko. Kan mah lawng in kan si kho hrimhrim ti lo e. Nang mah ter lo ah cun kan nun nak hi chikhat te hman kan uk kho hrim lo e.

Ref: Hakha Time

Relchap

Kan theih bantukin August 6 ah khan kawlrammi pahnih nih ambassador U Kyaw Moe Tun cu thah an timh rungah US police nih an rak tleih hna. Cu an tleihmi hna nihcun an chimmi cu U Kyaw Moe tun thah an timhnak a ruang cu Thailand ah  aummi hriamnam lei business a tuahmi pa nih phaisa phalh in a kan fial ruangah a si tiah an phuan.

Cu kong ahcun Nizan (Aug 9) press conference an ngeih lio ah Thai Police general Krisana nih a chimmi cu tutan i US ram ah a cangmi U Kyaw Moe Tun thah timhnak kongah US nih bawmh an kan hal a si ahcun kan bawmh hna lai I, Hlathlainak (investigation) tha tein kan tuah piak ko hna lai tiah a chim tiin The Nation Thauiland Media nih a langhter.

Tutan ah Kyaw Moe Tun thah a timtu, Thailand ram ah hriamnam cawk zurah lei ah business a tuahtu pa hi Thailand citizen maw a si, Myanmar citizen dah a si timi hi theih a si lo I, an hlathlai cuahmah lio  asi. Micheu nih an zumhnak ahcun hi pa hi kawl ralkap he aa pehtlaimi a si hrimhrim lai tiah an zuumh cio.

Thawngpaang dang relchap ding:- CDF-Mindat nih cathanh an chuah i an timi cu. Kawl ralkap pawl kha nan hriamnam tling he kan sinah nan rak zaam a si ahcun phaisa ting 50 kan in pek hna lai i, nan kal duhnak hmunhma ah kal kho dingin kan in tawlrel piak hna lai tiah an fb cahmai ah an tial.

Ref: The Nation