Pale Peng Ah Ralhrang Motor Mine Voi(4) An Puah Hnawh Hna

November 15 ah Sagaing Ram, Pale peng chung ah a ra mi tank pathum le Motor telh in ke kal mi Ralkap hna cu PDF-Pale nih Mine Voi (4) an puah hnawh hna. Pale Khua lei ah a rak ttum mi Ralkap motor cu Ouk-Sa-Tlang i athlang Mit-Ciah hlei a pawng ah a Voi (1) nak mine an puah hnawh hna.

Ralhrang lei nih lamchak le lamthlang ruahdap in meithal an kah. Cuhnu ah an rak ttum tthan i Kyouk-Pung-Kuan an phak ah a Voi(2) nak mine an puah hnawh tthan hna. A Voi(3) nak cu Kan-Dongh khua nichuah lei lam ah asi i Pale-PDF, Battalion 2 nih mine an puah hnawh tthan hna. Ralhrang lei a thi mi le hliamhma a pu mi an tam.

Ralhrang lei nih ruahdap duhthlorh in Hriamngan le meithal in an kah ve hna i PDF lei minung pakhat hliamhma a pu. Pale Peng, Ta-Pyi-Kone khua le Ong-Hngaw khua kar ah PDF-Pale, Battalion 3 nih mine 12 le bomb 4 in a Voi (4) nak an an puah hnawh hna. Minute tlawm i kah nak zong a um. Ralhrang Motor Pali cu a kal kho ti lo, Ralhrang zong 15 nak tlawmlo an thi. Hliamhma a pu mi zong an tam tiin PDF-Pale pakhat nih a chim. The Chin post