Pa, Fapa le Thiang Thlarau min In Tipil Kan In Awk Hrimhrim Asi Ko

PA- Krifa mi hna cu PA le Fapa le Thiang Thlarau min in tipil pek an si. (Mt.28.19) Tipil an in hlanah Pa le Fapa le Thiang Thlarau cungah an zumhnak an phuan hmasa, Krifa mi vialte zumhnak cu Thumkawmh Pathian cungah a si. Krifa mi hna cu PA le Fapa le Thiang Thlarau min in tipil pek an si.An min cio in pek an si lo.Zeicah tiah Pathian cu pakhawt lawng a um I zeizong tuah kho Pa, A Fapa ngeihchunh le Thiang Thlarau Thumkawmh Pathian a si. Thiang bik Thumkawmh biathuk hi krifa zumhnak le nunnak lai fang ah a um.Mah hi Pathian chungah a um mi Pathian biathuk cu a si. Cucah mah hi zumhnak biathuk vialte an chuahnak hrampi a si.Ceunak a petu ceunak a si. Khamhnak tuanbia cu Pa le Thiang Thlarau nih minung sinah a phuannak le sualnak in arak kirmi hna kha amah he aremter hna I akawmh ter hnanak kha a si. Thumkawmh Pathian kong hi zumhnak biathuk taktak cu a si i, Pathian nih aphuan lo ahcun a ho hmanh nih hngalh khawh awk a si lo. A ngaite ti ahcun sernak riantuannak le Biakam Hlun chungah Pathian nih Thumkawmh asinak kha a nehnangin a chiah tak ko cang. Sihmanhsehlaw,a thiangmi Thumkawmh Pathian kong hi Pathian Fapa minung a can hlan le Thiang Thlah a si hlan ah cun mi dang ruahnak chim lo Isreal zumhnak hmamh nih a rak banh khaeh lomi Biathuk a si.

PATHIAN THUMKAWMH IN AA PHUANNAK( FAPA NIH A PHUAN MI PA) Biaknak tampi nih Pathian cu “Pa” tiah an auh.Pathian cu Pathian hna le minung hna i PA tiah an auh cio. Israel miphun hna nih Pathian kha Vawlei sertu a si caah “Pa” tiah an auh. (Cf Deut.32:6, Mal 2:10) Cu lawng hlah,Pathian cu “Pa” tiah an auhnak sullam a um rih. Israel mi hna sinah biakamnakvle nawlbia laksawng kha apek hna i, Fater ah a chiah. Ex.4:22 Pathian cu Israel siangpahrang hna I “Pa” ti zongin auh a si.A bikin amah cu sifak mi hna I “Pa” amah huphenhnak tangah aum mi ngaktah le nuhme hna I “PA” a si. (Sam.7:14,Ps 68:6) Pathian kha PA tiah auhnak in zumhnak aw nih thil pahnih a kan fian ter I a kan chim. (a ) Pathian cu zeizong vialte thawhkehnak le nawl a ngei dih tu a si ti mi (b) Amah cu afa le vialte cungah dawtnak, thatnak,zaangfahnak,siaherhnak a ngeihtu a si ti hna an si.Pathian a nunnrmnak le a thatnak hi nu dinsk muisamin langhter khawh a si.(Cf.Is.66:13, Ps.131:2) Sihmanhsehlaw,minung nu le pa sinak hi a palh thiam I nu sinak le pa sinak muisam kha a hrawh theu. Cucah Pathian cu nu sinak le Pa sinak nak in a sang deuh ti kha kan ruah awk a si.Pathian cu Nu zong a si lo I Pa zong a si lo, A mah cu Pathian a si. Amah cu a thawhkehnak le zohchunh awk a sinak inminung nu dinak le Pa sinak nakin a sang deuh I a lawnh dih. (Cf Ps.27:10, Eph 3:14, Is.49:15) Cucah A hohmanh Pathian cu “Pa” a si bangin pa a si lo. Jesuh nih Pathian cu Pa a si, ti kha theih bal lo phungin a phuan. Amah cu sertu a si caah Pa a si ti lawng si loin Fapa angeih caah zungzal in Pa a si cang. Pa dah ti lo cu a hohmanh nih Fapa kha an hngalh lo I Fapa le Pa nih aphuan hna dah ti lo ahcun a hohmanh nih Pa kha an hngalh lo,” tiah a ti. (Mt.11: 27) Cu ruangah cun lamkal tu hna nih Jesuh cu “BIA” an ti. A hramthawkah :BIA” a um, Cu “BIA” cu Pathian he a um i ,BIA cu Pathian a si.”, Hmuh khawhlo mi Pathian Muisam a si.”, “Pathian sunparnak,a ceunak le Pathian taktak he aa lo mi”, tiah an ti. (Jhn.1:1, Col.1:15.Heb.1:3) Lamkaltu hna cawnpiaknak kha zulh in Bupi nih Nicea Council 325 AD ah Fapa cu Pa he caannak aakhat a ti. Nice zumhnak bia ah “Pathian cu Fapa ngeihchunh, zungzal hmun mi Pa in hrinmi, Ceunak in ceunak, Pathian taktak in Pathian taktak, Sermi si lo in Hrinmi, Pa he cannak a khatmi,” a ti.

THIANG THLARAU NIH A PHUANMI PA LE FAPA. Sifah temhnak a in hlanah Jesu nih “Bawmtu dang Thiang Thlarau”kong kha a chim.Vawlei ser ri in Profet hna kaa in bia a chimmi Thlarau cu a tuah zultu hna he zultu hna cungah a um lai I,an nih kha a cawnpiak hna lai,biatak chungtiang khan a lutpi hna lai a hraui hna lai. Gen.1:2. Jhn.14:17,26 26:23Cuticun Thiang Thlarau cu jesuh le Pa he Pathian person dang in phuan a si. Thiang Thlarau a thawhkehnak cu Thlah a sinak ah khan phuan a si.Thiang Thlarau cu Lamkaltu hna cungah le Bupi cungah Fapa min in Fapa nih Pa sin a kir hnuah a run thlah.(Cf Jn.14:26,15:26 26:24) ,Jesuh thangthatnak pek a si hnuah khan Thiang Thlarau thlahnak nih Thumkawmh Pathian biathuk kha atling in a phuan.Lamkaltu hna zumhnak nih Thiang  Thlarau kongah veihnihnak Constantinople Councilah nih hi ti hin an phuan. “Bawipa le nunnak petu,Pa sin in a rak chuakmi Thiang Thlarau ka zumh”( 381AD) Cucah Bupi nih Pa cu Pathian cannak a hrampi le a thawknak a si tiin a hngalh theih. Sihmanhsehlaw,Thiang Thlarau cu Fapa thawhkehnak he pehtlaihnak a ngei lomi a si lo.Thumkawmhah Pathumnak person a simi Thiang Thlarau cu Pathian a si. Pa le Fapa he pakhat te an si I an I tluk Cannak pakhat te an ngei. amah cu Pa lawng I Thlarau ti a si lo,Pa le Fapa pahnih I Thlarau ti a si. (Rom.8:9 ) Cucah Thiang Thlarau cu Pa le Fapa he biakvle thangthat tti an si Rel huam mi hna caah, Reltu dihlak Thumkawmh Pathian Thluachuahnak cu nancungah tlung ko seh. petersuithawng