NUG An Zuamcawh Hnu Naypyidaw Ralhrang Zung office of the director Ah Bomb Puahhnawh an tong

Naypyidaw,Pubathirih(ပုဗ္ဗသီရိ) peng,Ba-Yint-Nawng sang um Office of the Director cu nizaan zaanlei ah bomb puah an tong,cu thil a tuah tu hna cu min langhter lo mi dothlennak phu nih tuah mi a si tiah Naypyidaw mipi vengtu phu nih an langhter.

Puahkehnak kan tuah tiah a langhter tu Naypyidaw PDF cu NUG, runvengtu vuanci, kuttang um phu pakhat a si,nizaan ah tuah mi ralhrang phu lei bia chimnak nawlngeitu buchoh Zaw Min Thun nih NUG rianngeitu hna cu an pumpak chuh ding in zuamcawhnak a chim hnu suimilam tlawmpal a rauh ah ralhrang phu zunglei ah bomb puah an ton hi a si.

Cu puahkehnak ruang ah zung ah ummi minung le sattil hna cu hliam an si lo nain, zung hmai ah a dirmi motor 7314၊ Highlander a hring pakhat le zungpawng ummi inn a rawk mi a um tiah social media ah a lang.

Cun cuka hmun puahkehnak a dih hnu ah mizapi lei ah dir lo in, CDM tuah lo le, mizapi hmai zoh lo in thuamkhat lawng a si mi ralhrang phu sin dir mi hna cu atu nak fak deuh in hmalak nak kan tuah lai tiah Naypyidaw PDF nih ralrinnak an pek hna.

Ref; Khit Chit Media