Nihin An I Thua Cang Lai, AUNG LA nih Teinak Hmu Hram Seh

admin

Acaan a nai tuk cang, nithumte lawng aa duh cang. Aung La le Bigdash an ithonghnak ding ni le suimilam caan langhter asi. Singapore, Myanmar, India, Malaysia le Australia a ummi caah cun aa remcang ngai nain, Eastern ram (US, CANADA) caah cun aa rem lo deuh ngai ve. An I thonghnak ding hi Singapore Indoor Stadium ah asi lai I, Aung La vs Bigdash hi main card ah an um ve caah PRELIMINARY CARD nakin an tlai deuh lai. Main Card hi Singapore caan I zanlei suimilam 8:30pm ah asi lai.

  • Singapore 8:30pm- Myanmar 6:30pm
  • Singapore 8:30pm-India 5:30pm
  • Singapore 8:30pm-Malaysia 8:30pm
  • Singapore 8:30pm- Aust 11:30pm asi lai.

Tu thla Feb.25 ah Aung La le Bigdash cu avoithumnak an ithua than cang lai. Aliamcia voihnih an ithonghnak ah voikhat veve aa teimi an si. Avoikhatnak ah Bigdash nih arak tei I, avoihnihnak ah Aung La nih atei than ve. An itei ning belte zoh tikah Bigdash nih atei ning a rak fak deuh. Nain a tu cu Aung La zong tamtuk aa chap cang. A tu hna cu MMA International Fighter of the Year tiang minthatnak pekmi a si cang. Tutan ah hin Aung La nih Bigdash hi a tei hrim ko lai zumh cio a si. Tutan an ithonghnak hi ONE Championchip:Full Circle, Singapore Stadium ah asi lai.

Nikum April 10 ah Aung le Bigdash hi aa thua ding an rak si nain Covid restriction ruangah May 29 ah thawnpiak an rak si. Ruahlo piin Bigdash cu covid positive asi than ruangah May 29 zong cancel an rak tuah than. Bigdash he cancel asi ruangah Aug La cu Ridder he avoihnihnak an rak ithua than kha asi.

Aung La le Bigdash hi voihnih an rak ithong cang iavoikhatnak ah Bigdash nih a rak tei I avoihnihnak Aung La nih atei than. Atu hi avoithumnak ding a si. Hodah aa tei lai timi chim ahar ngai hih. Cun, tutan ah hin Aung La taisawm arak chut dihtu Middleweight world championship De Ridder le Abbasov cu main event an si lai. Ridder nih Aung La achuhmi taisawm cu aven hau than cang. Nihin tiangah voi 14 aa thua cang I, Ridder hi voikhat hmanh asung rih lo (14-0) asi.

Tutan hi ONE Championship:Full Circle asi lai I, Singapore Indoor Stadium thiam thiam ah asi te lai. Kyrgyzstan’s Abbasov hi voi 23 ah voi 4 lawng asung rihmi asi ve. Ahnubik voi 15 chung aa thonghnak zohtikah Abbasov hi 15-1 in teinak a hmumi asi ve. A thawng bak tiah ruahmi fighter asi. Anmah pahnih zong hi teitu ding chim an har ngaingai.

MAIN CARD (B/R Live, 7:30 a.m. ET)

  • Champ Reinier de Ridder vs. Kiamrian Abbasov – for middleweight title
  • Vitaly Bigdash vs. Aung La N Sang
  • Fabricio Andrade vs. Jeremy Pacatiw

PRELIMINARY CARD (B/R Live, 5 a.m. ET)

  • Leandro Ataides vs. David Branch
  • Zebaztian Kadestam vs. Valmir da Silva
  • Yuri Samoes vs. Daniyal Zainalov
  • Rahul Raju vs. Drex Zamboanga
Post Views: 221