NAN PAM TUK KO EE… Kan Pasaltha CDF salai Biak Cung, salai Lian Sang le salai Lin Lin

April 26- Ngaichiatnak Cathanh- Chinland Defense Force-Hakha i kan ralkap asi mi hna Salai Solomon Biak Cung Nung (kum 21) le Salai Lian Sang Bik (kum 20) hna nih 2022 April thla ni 25 ah hmaikal in ralhrang an dohnak hmun ah ram le miphun caah nunnak an pek.

Kan ralkap hna nih ram le miphun caah nunnak thap in an i pekchanhnak cu Chinland Defense Force-Hakha nih a sangbik upatnak kan pek hna. Tantak mi chungkhar hna sinah Chinland Defense Force-Hakha nih ngaihchiatnak kan in hrawm pi hna.

April 24, update- GANGAW AH CDF PAKHAT RALHRANG KUTIN A NUNNAK LIAM- Lawngtlai 24 Vaupi 2022 : Chinram, Gangaw ah CDF – Zotung Salai Lin Lin Aung cu ralhrang nih 23 Vaupi 2022 ah a ke ah voikhat a keng ah voihnih meithal in an kah i a nunnak a liam tiah kan theih.

Khuami pakhat nih ” A nih hi Zawngnak khuami a si i, Gangaw ah rianherh a um caah kal a tim, hringtu a pa nih na phone i ken hlah an in tlaih sual lai tiah a ti, a fapa nih cun hmanthlak ka delete dih cang tiah a ti i a phone cu a ken, lampi ah ralhrang nih an tlaih i, a phone an zoh tikah Gallery i a ummi hmanthlak cu a delete dih ko nain File chung i a ummi a rak delete lo , cu tikah Training tuahnak hmanthlak le uniform in a umnak hmanthlak hna an hmuh caah a tli i meithal in a ke ah voikhat, a keng ah voihnih an kah i a nunnak a liam” tiah a chim. TLT