Mipi Ralkap Phu 6 I bawm In Ralhrang Thazaang 150 An Kah Hna I Tamtuk An Thi

Nizan April 26, ah Sagaing ramthen, Myin Kin peng Yinkalee khua pawng ah ralhrang thazaang 150hrawng cu mipi kan hriamtlai pasaltha phu 6 ifonh in an kah hna I, ralhrang minung 21 an thi, tam deuh cu hliamtuar an si rih tiah DRPA nih alanghter.  Mah ralhrang hi Khah-Lah-Yah 89 an si tiah theih asi.

Thawngpang Dang – Defense News Security News Army Recognition timi nih alanghter ning ahcun Russia nih Ukraine a tukmi hi ngol cu chim lo, a zual chin lengmang. Russia nih athazaang thawnnak bakin Ukriane hi tuk i lak dih hrimhrim aa tim. Ukriane hi hrawh dih cikcek aa tim a ti. Cu caah UK, Cananda le Czech Republic nih raltuknak Howizers tha taktak mi pawl bawmh thluahmah an tim cang.

Hriamnam an bawmh ding mi hna hi a tha taktak mi lawngte, Russia ralkap hriamnam a hrawk kho ding lawngte an si hna. Nizan ah President Zelensky nih achim ning ahcun, US Secretary of State he Kyviv ah tonnak kan ngei lai i, cu ah cun, zeitindah Russia hi kan doh lai, zeibantuk hriamnam dah bawmh kan herh timi vialte kan iceih lai tiah a ti.