Min Aung Hliang: MArtial Law Kan Chuah Nak Hmun Poh Poh Khi,Remdeihnak Hi Kan Kal Pi Cuahmah

A luancia mi Febuary ni 23 ahkhan ralhrang pawl cu Min Aung Hliang hruainak thawngin meeting an tuah. Min Aung hliang nih a chim mi cu, kanram chungah Martial law kan chuah nak hmun poh poh khi, a biapi in kan kal pi mi cu, remdeihnak le i do, i kah lo tein um khah a bik in kan kal pi mi cu a si tiin a chim.

Min Aung Hliang nih a chim rih mi cu, martial law kan chuah nak a ruang cu kawlram mipi caah a si. An tuntuk khuasak a rem deuhnak hnga caah a si tiin a chim rih. Min Aung Hliang hi a thutden cung pin cu khuazei hman a zoh khoh lo ti nak si. Kum2023 chungah martial law an chuah hnu in, raldonak a zual hi a theih lo hrim hrim bia maw asi, ai ti ter dah ti hi ruah ngai ngai asi.

A bikin Sainghai ramthen le Chin state  hna hi cu, ni fatin tein vanlawng in bomh a thlak, khuachungah inn meih in an khangh piak hna, Mipi umnak ngei loin ram lak an zam ter hna pin ah CDm pawl an tleih an that hna. Mipi caah rian kan tuan an ti mi cu, mi va thah le, inn mei va khang piak hna hi mipi caah an tuah mi asi.Min Aung Hliang Nih uknak a lak hi, kawlram phaisa vialte amah kut cungah um seh ti a duh ruangah a si. KAwlram ah phaisa aum mi vialte hi Ne Win bantukin a mah tah ah ser a duh ruangah a si.