Metrawtalay Kahdoh Nak Ah Ralhrang Ruak 50 Cu

Kayin ramkulh Laegaetkaw hmunhma Myatta Linmyaing le Metrawtalay ah a luancia December 19 ah a chuakmi kahdohnak ruangah ralhrang lei a thi mi minung 50 hrawng an ruak cu ralhrang phu hna nih nihin December 22 nitiang ah an char hna lo i ralhrang ruak cu lamcungah zohawk thalo in an thu, an rawkral tiah theih a si.

Kayin ramkulh KNU brigade 6 Layhmunhma Myatta Linmyaing le Metrawtalay ah nihin ralhrang phu hna le KNLA,PDF phufonh kar fakngai in kahdohnak a chuak. Ralhrang lei tat-khuai-hmu 2, duh-tat-yin-hmu 2 telhin ralhrang phu chungtel minung 50 hrawng an thi tiah NUG i phungning thawngthanhnak PVTV nih a langhter.

Cu kahdohnak chung ah 60mm pakhat, pistol 4, sniper pakhat, MK 1 pathum, MK 2 pathum dihlak 12 le kutceh bomb cheukhat cun kuan cheukhat hna an lakkhawh tiah theih a si. The Chin Post. Uico ralhrang pawl mipi nih cawm cia mi in a ei ding pawl cu mipi thin lung ah hmun hma an ngei kho ti lo i ruak cher tu hmanh an ngei ti lo.