Matupi-CDF Nih Ralhrang Pahnih An Thah Than Hna Ning Cu Uar An Um Kho Tuk

Chin ram kulh chung Matupi peng ah hmun a khuarmi kawl ralkap pawl cu nihin zingah CDF-Matupi nih an va kah hna i kawl ralkap minung 2 an thah khawh hna i a dnag pakhat hliamhma fak a pu tiah theih a si. Tutan an kah hnanak cu Matupi khua i General Administration office chungah a ummi ralkap an si i 20 hrawng an si tiah CDF nih an chim.

Cu ti an va kah hna nak a ruang bik cu kha ka office in khan miakpi in CDF sakhan an kah lengmang caah a si tiah theih a si. Tutan an i kahdohnak ah anmah CDF lei in minung pakhat cu a hnakhaw ah bom zen nih a peh caah a thi lawmpal a chuk. Cu ti lo cu aa hliam khawngmi pakhat hmanh an um hraw lo tiah theih a si.

CDF chungtel pakhat nih a chimnak ahcun kan va kah hna lio ahhin office chungin pakhat hmanh an chuak ngam lo i inn chung lawngin hriamnam ngan in an kan kah ve sawhsawh tiah media sinah a chim. Chin ram kulh Matupi peng ahcun kawl ralkap hi an him lo ngaingai.  Laitlang ahcun CDF an thawnbiknak hmun hi Mindat, Matupi le Kanpalet hna hi an si i cu kaa hmun hna ahcun ralkap hi an ning a ti i duh poh in khua an sa ngam ngaingai lo.

Thil sual an tuah sual ahcun direct bak in an lehrulh colh lengmang ko hna. Kanmah Hakha CDF zong hi kan cianh deuh cu a hau ve. Kan nem tuk ahcun an kan tih lai lo i kan hran deuh lawnglawngah an kan ngam ve lai lo. Kan hmuh hna nak poh ah that cuahmah ko hna usih.Cuti I kan hran ve ahcun an kan tih deuh hrimhrim ko lai.