LBC Ah Bochanmi Kan Pa Pu Ca Kung Nih Mual A Kan Liam Tak

LBC (Yangon) Khrihfa Upa Pu Ca Kung a Nunnak a Liam: Nihin (July 24) zaanlei sml. 4:45 hrawng ah LBC (Yangon) Khrihfabu upa Pu Ca Kung a nunnak a liam. Pu Ca Kung cu July 19 ah a nunnak a liammi Pu Tluang Lian Hnin i hringtu a pa a si. Pu Ca Kung hi lung thihri lei damlonak a ngei chihmi a si i, oxygen he ni zeimawzat an thlopbul hnu ah nihin zaanlei ah a nunnak a liam hi a si.

The Chin Journal. Relchap ding capar. Ralhrangle Covid thla ahrang Tlawmte khuh men ah Covid ka si rua kan ti. Rawlei ka thaw lo men ah, nuamsam lo men ah, taksa fah men ah, khuasik men ah Covid ka si ko lai kan ti. Pakhat nu cu a lung a leng tuk ruangah Covid ka si rua a ti. Covid nih kan thinlung thuk pi ah bu a khuar cang. Covid thla a hrang an ti.

Uico an bo, ralhrang an phan rua kan ti. Innka an kingh ralhrang an si men lai kan ti. Mortor le Cycle thawng kan theih ah ralhrang an ra rua kan ti. Voih voih thawng hmanh Bomb puak ah a ruatmi an um an ti. Ralhrang thla a hrang rua. Ralhrang le Covid nih kan thlarau nun an that kho lo. Kan nunnak taktak cu Khrih chungah thuh in a um cang. (I Johan 5:20).

Pum lawng a that khotu cu va țih hlah u, pum he thlarau he a that khotu Pathian lawng țih ding (Matthai 10:28) a ti.Crusade Camping kan tuah kho ti lo. Pumh a um kho ti lo. Bible rel le thlacam kan daithlang. Mobile Phone le Computer nih kan caanțha a lak dih cang. Mi tampi thlarau nun ruah tikah thlarau thihnak thlanmual lei ah an liam cuahmah ko cang. Ralhrang le Covid nakin țih a nung deuhmi sualnak hi doh chih a herh ko lai.