Lay Kay Kaw Kahdohnak Ah KNLA Nih Ralkap 7 An Tleih Than Hna (Photos)

Karen ramkulh, KNU control area chungah a ummi Lay Kay Kaw kahdohnak ah KNU ralkap nih tuni ah kawl ralkap
minung 7 cu a nung in an tleih than hna i an motor le an hriamtling he an tleih hna. A dang minung 3 an thah hna i 5 hliamhma a pu fawn.

Cu kongah cun AAC biachimnak nawlngeitu nih hitihin a chim, “Karen ram, Myawati pengah a ummi Lay Kay Kaw kahdohnak ah motor in a rami kawl ralkap cu KNLA nih an kah hna i minung 3 an thi i ralkap minung 7 a nung in an tleih hna a tuhi an hren ko hna tiah media sinah a chim.

Ralkap an tleihmi hna chungah cun ral bawi pakhat zong an tel tiah theih a sinain zei tluk rank sang dah a si timi tu cu an langhter lo caah theih a si lo. Ke cehnak in an ke an ceh hna i KNLA sakhan pakhat ah an hren ko hna lio cu an hmanthlak chungah hmuh khawh a si.

Kan hnuthla ah khan kawl ralkap minung 150 hrawng cu Lay Kay Kaw khua chungah aa dormi pawl cu an va tleih hna caah KNU he i kahhram cu an rak i thok i nihin tiang an dai ti lo. Ke in an doh hna ahcun KNU nih an tei tuk hna caah a tuhi vanlawng in heh tiah bom an thlak cuahmah hna.

KNU nih bom an thlak tuk ruangah an sakhan pakhat cu can tlawmpal chung cu an chuahtak chung nain a tu cu sa -khan zong cu an va lak khawh than cang i an hlumh than cang. Cu an kaltak chung zong cu an tih hna i an zam siloin a thar in an doh khawh than hna nak hnga tlawmpal an zaam tak chung tu khi a si tiah theih a si.

Ref: KhitThitMedia