Lampi Ah Ralkap Mawtor Tampi An Kah Hoi Cang Hi
Doh Phonian pawng ah ralkap mawtor hna cu KIA nih an kah hna. Ralkap mawtaw hi 5 a si i Kachin Independence Army KIA nih Doh Phonian city pawng ah a kah doh hna. Dotphonian locality pakhat nih KNG news cu tuzing nazi 10 am ah khan ralkap mawtor 7 hna cu Dotphonyan a phak hlan Utthan Yan village ah kah dohnak a tong tiah a chim. Kya Bombon side ah hin ralkap pawl cu an i chap hna tiah thei a si.
Tuzing kahdohnak ah hin a thimi le hliamhma a tuarmi an um le umlo thei a si rih lo. Adang relchap -Yemen ram ah kumtling lo hngakchia a tlaihhrem mi le a that mi Ali al-Naami kum 40, Abdullah Ali al-Mukhali kum 38 le Mohammed Arman kum 33 hna cu June 16 ah khan mipi hmai lamlai ah an chuahpi hna i an thah hna. An thah mi hna lakah Abdullah Ali al-Mukhali le Mohammed.
Arman hna pahnih hi kum 8 mi hngakchiapa pakhat cu an tlaihhrem hnuah an thah caah thi dingin ti mi a si i. Ali al-Naami hi a nupi he an i sik hnuah a fanu kum 7, kum 12 le kum 14 mi pathum hna cu a nupi leng a chuah kar ah an hngawng a dih hna i tisa um ah an lu hem in a thah hna caah thi dingah ceih mi a si. An thah mi hna cu angki hring an hruk ter hnuah lam ah an bawhter hna i meithal he an kah mi hna a si.
An kah hna hnuah siibawi pahnih nih an thih le thih lo an zohfel hnuah puan sen he an tuam hna i an kal pi hna. Daily Mail nih a tial ningah Iran nih a dirpi mi hriamtlaibu pawl nih an thah mi hna a si. Mah bantuk i thahnak hi 2018 hnuah an khuapi Sana’a ah a voi 1 a cang nak a si, an ruak cu zapi hmuh khawh dingin cungah an thlai hna tiah a tial. TCP