Laimi Nih Kan I Bochan Tuk Mi Pu Sui Mawng Nih A Kan Liam Tak Than

Pu Sui Mawng (Pengpeng pa) na liam thawng kan theih cu kan thinlung a kek kuai tuk. CACC ah na chiahtaak mi nan nehnang le na rianṭuan baantaak mi hi zei tin kan hun pehzulh khawh lai. Baibal ca remhṭhannak ding le a thar lehnak kong ah ṭuanvo tamtuk na ngeih rih ṭung.

Khrihfa Hlabu namṭhannak kong zong ah kan in herh tuk rih ṭung. Caan saupi CACC ah staff dirhmun in siseh, expert dirhmun in siseh, zaanghlei cawinak in siseh, na fimthiamnak, na thazaang le na caan dihlak pek in rian na ṭuannak cungah kan i lawmtuk,

kan in upat fawn. Na tlei thawng kan theih ni cu CACC chungkhar dihlak ca le CACC ram chung dihlak ca ah kan chunmui a tlun ni a si. Zei bang ti ṭha sian lo bu te in kan liam taak ko kun. Na kal taak mi na lo hma ah kan nih vialte ngaihchia ngai le zaang uai ngai in kan rak cawlcang rih lai. Lung dai te in i din ko mu…

Atang lei hi Dr Rual Uk nih a ngaihchiat nak vam lak ter ve mi si.

Jehovah Pathian khuakhânning hi theihthiam le ruahthiam a har cân a um tak tak ko.
Baibal Cathiang timi le Rualuk Study Baibal timi muisam (pungsân or formmation) a ngeihtertu ka rianțuanpi hawi U Sui Mawng nih hi vulei in a ka kaltâk mi hi kai lungsak kho hrim hrim lo.

Rangoon kal dingin Thantlâng in an van i thawh pah ah an nu hmanmi computer laptop an ka chiah ta i Study Baibal kha rak edit țhân law na lim tikah mobile phone ah khumh dingin final ka tuah te lai tiah aka ti.

Zahan kha Jeremiah tiang ka lim i tuzing khuadei ka ah Sui Mawng nih an kaltâk cang timi ka theih tikah a ruahawk ka hngal ti lo. Ahonihdah ka țuanmi rian hi final aka tuahpiak kun lai?

A rian na țuanpiakmi na Khamhtu sinah nai dinhmi cu na caah cun a țha deuh ko lai nain kei ka caah cun a tuan tuk rih e.Kei caah cun ruahthiam a har ko.

Jehovah Pathian tu nih na ai a awhtu ding ka pe te ko seh mu.Taksa in hi lei ah na um ti lai lo nain muisam na ngeihtermi Baibal Cathiang le Rualuk Study Baibal ah na thiamnâk le na kutneh tucu vulei a hmunh chung cu a hmun ve lai.Ni ni khat ah van kutka in rakka dong te mu