Laimi Hrinthan Cang Mi Poh nih MIZO An nawl I Cawn Bak Lo Ding

A HRINTHAN CANGMI LAIMI NIH KAN UNAU MIZO NAWL KAN I CAWN LO DING-A hrințhan cangmi Laimi nih kan unau Mizo nawl i cawn hna hlah u sih ti ka duh ngaimi a um! Cucu, tu lio Mizoram, Mizo kan unau hna lakah an i cawn cio mi le an hman ngaimi a si! An mithi hna kha hla an phuah hna i an hlasak thiam hna kha kha an sakter hna i an mithi hla phuah piak le hlasak piak cu a paw ngaimi an style pakhat ah an canter ko cang!

Kannih Laimi, lakah mithi zuun ngaih hla i phuah le i sak piak hi a um ve ko nain, tlawmte lawng a si rih. Thla i campiak le THIANG THLARAU bawmh i halpi tu hin țang deuh hna u sih.Phungthlukbia 18:21 ah, “Na biachim theitlai cu na co a herh lai,” tiah kan hmuh bantukin, Mizoram khi, ruah lopi pi i thih lohnak, motor/bike accident tibantuk le ruakchar tibantuk, thih le lohnak hi kan mah Laimi nakin let tam tuk in a um!

A hrințhan cangmi, vancung rammi a si cangmi hna nihcun, Thluachuah van luh a kan pe lomi bia le hla hna hi cu hrialin Thluachuah van luh a kan petu bia le hla hna tu hin kan ram hi khahter deuh hna u sih. Phungthlukbia 18:21 “Lei nih hin thah khawhnak le nunh khawhnak țhawnnak a ngei, cucaah na bia chimmi theitlai cu na co a herh lai.”
KHRIH sal Tluang Lian (Martar)