Lailenpi Khua Ralhrang cu CDF-Mara le Lautu nih An Phomh Cang Hna

Lailenpi Khua Pawng Ah SAC Ralkap le Chin Ralkap Hna Kahdohnak A Chuak- Matupi peng ah rallam a sialmi SAC ralkap pawl le CDF-Mara, CDF-Lautu le CNA phu fonh hna cu June 22 zanlei sml 2:00-4:00 tiang Lailenpi khua pawng an i kap, tiah theih a si. A liamcia May thla lio ah SAC ralkap 70 hrawng cu Matupi in Laileni lei ah rallam an sial. A luancia June 11 lioah Gangaw lei in a rak kaimi SAC ralkap 70 hrawng cu, Zotung ram Yan Si khua lei panh in an kal.

Gangaw in Zotung lei a kalmi khualtlawng minung 4 cu, June 11 ah Annța khua umhmun khuarmi SAC ralkap nih an tlaih hna i, khoika an chiah hna ti zong hngalh a si lo. Gangaw le Oo Kar lam cu SAC ralkap nih umhmun khuar an duh caah cuka hrawng lamthluan ah an um hna. Cucaah Gangaw le Oo Kar lam lei a hohmanh kal rih lo ding in ralrin kan in pek hna, tiah CDF- Zotung nih cathanh an rak chuah. TCP

Admin hmurka – Lailenpi ralhrang hmunkhuar mi hna hi MDF/Mara Army nih cun kan kap hna lai lo, daw le rem tein kan um lai. Cun, Mara ramchung ah cuhlan i CDM a tuahmi siseh a tuah rih lomi siseh kanmah MDF nih zeihmanh hnekmi, khammi le thloh mi kan in ngei hna lo. CDM a tuah duhmi nih tuah ulaw, a tuah lomi nih tuah loin um ko u. Nanmah nawl asi ko tiah an ti hna.

Cubantuk policy dohthlennak a tuahmi lungput le policy asi bal lo. Ralhrang duhnak an tuah tu asi deuh. Cu cu CDF-Mara nih an duh lo. Hramhram uknak latu ralhrang cu kan ral an si, kan doh hna lai, uknak tha kan hmuh hlan lo an ti. Cu caah tutan ruah lo piin Lailenpi khua pawng ah suimilam 2 chung ralhrang le CDF karlak idohnak a um hi asi. Hi kongah MDF nih zeihmanh statement chuahmi an ngei lo.