Kum 2023 Ralhrang I Thimnak A Tlamtling Dawh A Si Lo

Min Aung Hliang phu nih an tim mi election hi an tuah kho lai maw ti hi ruah lo awk um kho lo a si. Kawlram pumpi cu a rau hlan ah i thimnak cu ralhrang nih an tuah lai. Min Aung hliang phu nih khualipi deuh labang ahcun mee thlak hi electronic in kan tuah lai tiin timtuahnak an ngei cuahmah ko.

Min Aung Hliang nih uknak a lak ahkhan a ra lai mi kum2023 ah i thimnak ka tuah than lai tiin thawng an than cang. Nain kum 2023 cu kan phan nain ramchungah raldonak cu kum dang nakin a zual chin chin kan ti khawh. Kawlram minung 45 million nih NUG an dir pi. NUG nih ralhrang i thimnak a tuah ding mi cu kan pawm kho lo an ti caah NUG dirpi tu mipi cu election ah i tel lai lo. Nain ralhrang zia theu cu meithal ah kan dir hnawh cun a mee a pe mi zong hi an um pa te lai.

Chin State ah ralhrang nih i thimnak a tuah kho lai maw, KAn Chin ralkap CNA biachim tu salai Thet Ni nih Min Aung Hliang i thimnak ah cun kan i tel kho lai lo a ti. Hakha peng Thantlang chungah i thimnak a tuah khawh lai lo, Paletaw le Tidim le Tonzang hi theih lo an si. AA ram ah an tuah khawh rih lai lo, KNU ram chungah an tuah kho rih hoi lai lo.

Ralhrang nih i thimnak a tuah ding mi ahhin kan ram mifim hna nih an phan bik mi cu kawlram mipi nih ralhrang tuah mi i thimnak ahhin, mi tam deuh cu an i tel duh lai lo caah, ralhrang hna nih meithal hmang in mipi hi faktuk in an hrem sual hna lai ti hi an phan bik mi a si.  a luancia mi Union day ahhkhan Min Aung Hliang bak nih a chim mi cu kawlram cu ram dai mi ram a si lo, remdeihnak he kan i hla ngai ngai tiin a chim, a ra lai mi election zong hi a caan hi a thial kho mi a si.