Kum 13 Nute cu A Ni nih Ramlak Thlam An Riahnak ah Athah (VIDEO)

Mizo nih an tialmi copy paste in kan tuah; CHAWHMEH ZAWNGA A NI NENA RAM RIAK TLEIRAWL CATHERINE-I RUANG AN RIAHNA THLAMAH PHUAR HLAWMIN HMUH A NI, 19th February, 2022 (MSR) : Khawzawl bul Khuailui ram thlamah Catherine Thangbiksiami (13) D/o Langdihpiang chu a ni Chingsianzovi nena an riahna thlamah phuar hlawmin thi-a hmuh a ni a, tualthattu nia rin a Ni chu man nghal a ni. video zohnak link

Thu dawn danin Catherine-i pa hi a boral tawh a, a nu hi Falam-a awm a ni. Tunhnaiah Catherine-i hi a Pi Dimmanchhingi, Khawzawl Zuchhip venga awm hnenah khawsain nimin khan Khuailui ramah hian a Ni nen chawhmeh la turin lo thlamah an riak lut a, zan khat chauh riak tur niin an insawi.

A ni Chingsianzovi chuan tukin zing dar 7 vel khan Khawzawl khaw tawntirh Tuisen phaia police check gate-ah thil awm dan a sawi a. Nizanah a vahnu nen ram an riah dun thu sawiin, “An riahna thlamah chuan thim hlimah mipa 3 an lokal a, tihluihnain catherine-i min chhuhsak an tum a, mipa 2 in an hruai a, an zing pakhat chu a rui a, kan insual a, a ruih avangin ka hneh a.

A kut leh keah ka phuar a, a nghawngah hnam hruiin ka thlung a, Catherine-i chu vau velah torch light kengin ka zawng ta a, ka au vak vak a, zan dar 1 velah ka hmu lo beidawnga ka kir chu, ka mi phuar pawh a lo la awm a, biak pawh kan inbia a, ka mutna bulah hrei leh chem ka dah a, ‘min tih vaih chuan ka that hreh miah lo che a nia’ tiin ka vau vel a. Khua a lo var a, ‘Lo kal rawh kawngpuiah ka kai thla dawn che’ ka tia, mahse a lo thi tawh si a” tiin police-ah sawiin a inpe a ni.

Police-ten an awmna veng VC leh YMA te an hriattir nghal a, Catherine-i zawn tum leh mipa ruang lak tuma an riahna thlam an zuk thlen chuan Catherine-i ruang chu thlam chhuatah rizai sinin, chhip sam langin an hmu ta mai a. A rizai sin an han hlim chuan, a Ni-in mipa a phuar ni-a a sawi ang chiah chuan Catherine-i chu phuar a lo ni a. Mipa ruang lak tumin hmeichhe tleirawl ruang an zuk hmu ta zawk a ni! Catherine-i ruang hi a kut leh a ke phuar niin, a banah hmun hnihah phuar a ni a, a nghawngah hlin a ni bawk. Chingsianzovi hi a rui niin thudawnna chuan a sawi.

Police-te chuan Catherine-i Ni Chingsianzovi chu an hreng nghal a, Catherine-i ruang hi Zuchhip veng YMA ten a tul ang apiangah an buaipui , Khawzawl damdawi inah postmortem a nih hnuah Champhai Bethel venga a pute inah a ruang hi lak a ni. Thudawn danin a Ni hian thingfawm turin a tir a, a fawm tlem deuh avangin a thinrim chuan a sawisa ta mai niin an sawi. Vanneihthangah vanchhawng